اسلام آباد (پاکستان نیوز پوائنٹ 02 فروری2016ء) وفاقي وزير شيخ آفتاب احمد چيو آهي ته پاڪستان بيت المال تحت هلندڙ سوئيٽس هومز جو تعداد 35 آهي، فنڊن جي دستيابي تي وڌيڪ سوئيٽس هومز قائم ڪري سگهجن ٿا. خميس ڏينهن قومي اسيمبلي ۾ سوالن جي وقفي دوران شيخ روحيل اصغر جي سوال جي جواب ۾ ڪابينا ڊويزن پاران وفاقي وزير شيخ آفتاب احمد ٻڌايو ته پاڪستان بيت المال تحت عوامي ڀلائي جا 9 منصوبا هلايا پيا وڃن، پاڪستان ۾ هينئر تائين 35 سوئيٽس هومز قائم ڪيا ويا آهن، هر مرڪز ۾ 100 يتيم ٻار ڪفالت هيٺ ٿي سگهن ٿا. ان پروجيڪٽ جي توسيع لاءِ بيت المال وٽ فنڊ محدود آهن، جيڪڏهن اضافي فنڊ فراهم ڪيا وڃن ته وڌيڪ سوئيٽس هومز قائم ڪري سگهجن ٿا، هن ٻڌايو ته گردن جي ٽرانسپيلانٽيشن جي لاءِ لاڳاپيل اسپتال جي سرٽيفڪيٽ تي بيت المال پاران لاڳاپيل اسپتال کي ادائيگي سڌي سنئين ڪئي ويندي آهي. هن ٻڌايو ته هڪ سوئيٽس هومز ۾ جيڪڏهن سئو ٻار ڪفالت هيٺ هجن ته انهن جو خرچو 17 لک روپين کان وڌيڪ آهي.
پاڪستان بيت المال تحت هلندڙ سوئيٽس هومز جو تعداد 35 آهي: شيخ آفتاب احمد
7 سال پھريان
