اسلام آباد (پاکستان نیوز پوائنٹ 31جنوری2016ء) سينيٽر محسن عزيز کي متفقه طور تي سينيٽ جي خصوصي ڪميٽي جو چيئرمين چونڊيو ويو آهي. سينيٽ جي خصوصي ڪميٽي باچا خان ايئرپورٽ پشاور جي خراب صورتحال جو جائزو وٺڻ جي لاءِ جوڙي وئي آهي. سينيٽر محسن عزيز جو نالو سينيٽر جون ڪينٿ ويليمز پيش ڪيو جنهن جي سينيٽر جاويد عباسي، سينيٽر نثار محمد، سينيٽر شبلي فراز، سينيٽر عطاءُ الرحمان، سينيٽر اعظم سواتي، سينيٽر الياس احمد بلور، روبينه خالد، ستاره اياز ۽ زاهده خان تائيد ڪئي. ميمبرن متفقه چونڊجڻ تي سينيٽر محسن عزيز کي مبارڪباد ڏني. سينيٽر محسن عزيز چيو ته ڪميٽي پشاور ۾ باچا خان ايئرپورٽ جي خراب صورتحال کي ٺيڪ ڪرڻ جي لاءِ پنهنجون سفارشون پيش ڪندي، ميمبرن چيو ته ڪميٽي ڊگهي ۽ گهٽ مدي وارا قدم تجويز ڪندي. سينيٽر محسن عزيز چيو ته ڪميٽي ٻن مهينن ۾ پنهنجي تفصيلي رپورٽ پيش ڪندي.
سينيٽر محسن عزيز متفقه طور تي سينيٽ جي خصوصي ڪميٽي جو چيئرمين چونڊجي ويو
7 سال پھريان
