سينيٽ چيئرمين پاران چڪن گونيا جو مرض پکڙڻ بابت التوا واري رٿ نامنظور

اسلام آباد (پاکستان نیوز پوائنٹ 10جنوری2016ء) سينيٽ چيئرمين ميان رضا رباني منظوري جي تعين جي لاءِ ايجنڊا تي ايندڙ چڪن گونيا جو مرض پکڙڻ بابت سينيٽر محسن عزيز جي التوا واري رٿ نامنظور ڪري ڇڏي. ڪالهه اڱاري ڏينهن سينيٽ جي اجلاس دوران سينيٽر محسن عزيز جي ڪراچي ۾ چڪن گونيا جو مرض پکڙڻ بابت التوا واري رٿ منظوري جي تعين جي لاءِ ايجنڊا تي هئي، سينيٽ چيئرمين چيو ته اها التوا واري رٿ قاعدن تي پورو نه ٿي لهي ان جي لاءِ رد ڪئي وڃي ٿي، جڏهن ته هن سينيٽر محسن عزيز کي ان معاملي تي مختصر ڳالهه ڪرڻ جي اجازت ڏني، سينيٽر محسن عزيز چيو ته ساڍا ٽي هزار ماڻهو ان مرض سبب متاثر ٿي چڪا آهن، 50 سالن کانپوءِ اها بيماري ٻيهر آئي آهي ۽ پکڙجي به سگهي ٿي. سينيٽر حافظ حمدالله جي التوا واري رٿ ان جي غيرموجودگي سبب ملتوي ڪئي وئي جڏهن ته سينيٽر عتيق شيخ پاران ايل اين جي معاهدن بابت التوا واري رٿ چيئرمين جي هدايت تي هن واپس وٺي ڇڏي. اي پي پي/ص – ج/ع – ک 18:29