سينيٽ ميمبرن جي لاءِ ضابطه اخلاق جو مسودو جاري

اسلام آباد (پاکستان پوائنٹ نیوز۔25 جولائی۔2016) سينيٽ ميمبرن جي لاءِ ضابطه اخلاق جو مسودو جاري ڪيو ويو آهي. سينيٽ چيئرمين ميان رضا رباني چيو آهي ته ميمبر ان مسودي ۾ وڌيڪ ترميم ڪرڻ چاهين ته تجويزون ڏئي سگهن ٿا، مسودي کي جلد ئي حتمي شڪل ڏني ويندي. ڪالهه سومر ڏينهن سينيٽ جي اجلاس ۾ سينيٽ چيئرمين ميمبرن کي ياد ڏياريو ته جهڙي طرح ضابطه اخلاق جي مسودي جي منظوري هائوس بزنس ايڊوائيزري ڪميٽي جي اجلاس ۾ ڏني وئي هئي، ان ۾ ميمبر وڌيڪ ترميم آڻڻ چاهين ته تجويزون جمع ڪرائين. مسودي ۾ چيو ويو آهي ته قاعدن جي تشريح ۾ ڪنهن به قسم جو شڪ پيدا ٿئي ته اهڙي صورت ۾ سينيٽ چيئرمين جو فيصلو حتمي هوندو. اي پي پي/ع – ک/ش – چ 20:33