پاڪستان سول ايوي ايشن اٿارٽي ملڪ جي سول ايوي ايشن سيڪٽر کي دنيا جي ٻين سول ايوي ايشن ادارن وانگر مضبوط بڻائڻ جي لاءِ ساراهه جي مستحق آهي: صدر ممنون حسين

اسلام آباد (پاکستان نیوز پوائنٹ 6دسمبر 2016ء) صدر ممنون حسين چيو آهي ته پاڪستان سول ايوي ايشن اٿارٽي ملڪ جي سول ايوي ايشن سيڪٽر کي دنيا جي ٻين سول ايوي ايشن ادارن وانگر مضبوط بڻائڻ جي لاءِ ساراهه جي مستحق آهي ۽ مون کي پورو اعتماد آهي ته پاڪستان سول ايوي ايشن اٿارٽي مستقبل جي چئلينجن کي پورو ڪرڻ ۽ عالمي سول ايوي ايشن سيڪٽر ۾ نمايان مقام حاصل ڪرڻ ۾ ڪامياب ٿيندي. اڄ اربع ڏينهن انٽرنيشنل سول ايوي ايشن ڊي جي موقعي تي پنهنجي پيغام ۾ هن چيو ته ايوي ايشن اٿارٽي ٽرانسپورٽ جو جديد محفوظ ۽ آرامده ذريعو فراهم ڪرڻ جي لاءِ اهم ڪردار ادا ڪري رهي آهي ۽ هزارين روزگار جا موقعا فراهم ڪرڻ ۽ واپار جي سهولت جي لاءِ معيشت ۾ اڻٿڪ ڪردا ادا ڪري رهي آهي. هن چيو ته اها خوشي جي ڳالهه آهي ته پاڪستان سول ايوي ايشن اٿارٽي قومي ۽ عالمي ذميوارين کان آگاهه آهي ۽ ان جي معيار کي بهتر بڻائڻ جي لاءِ ڪوششون ڪري رهي آهي. هن چيو ته ايوي ايشن جي دنيا ۾ پاڪستان هڪ اهم ملڪ آهي ۽ ڪيترين ئي عالمي آپريٽرز پاڪستان جي فضائي حدن تي پنهنجي ايئر ڪيريئرز جي آپريشن دوران پاڪستان جي سول ايوي ايشن اٿارٽي تي ڀاڙين ٿا. هن چيو ته پاڪستان ايئرلائين آپريٽرز ۽ ان جي استعمال ڪندڙن کي بهترين ايئر نيويگيشن ۽ ايئرپورٽس سهولتون فراهم ڪري ٿو. صدر ان ڏينهن جي موقعي تي پاڪستان سول ايوي ايشن اٿارٽي جي ڊائريڪٽر جنرل ۽ عملي کي مبارڪباد ڏني ۽ اميد ظاهر ڪئي ته هي قومي ادارو مستقبل ۾ وڌيڪ بلندين تائين پهچندو. هن پاڪستان سول ايوي ايشن اٿارٽي کي جديد بڻائڻ جي لاءِ پنهنجي نيڪ خواهشن جو اظهار ڪيو ته جيئن هو ملڪ جي سماجي ۽ اقتصادي ترقي ۾ عظيم تر ڪردار ادا ڪري سگهي.