سينيٽ پاران والاريل ڪشمير ۾ ڀارت جي خلاف ۽ ڪشميرين سان يڪجهتي جي اظهار لاءِ قرارداد منظور

اسلام آباد (پاکستان پوائنٹ نیوز۔22 جولائی۔2016) سينيٽ ۾ والاريل ڪشمير ۾ ڀارت جي بربريت، رياستي دهشتگردي ۽ بي گناهه ڪشميرين تي ڀارتي ظلم خلاف ۽ مظلوم ڪشميري عوام سان يڪجهتي جي اظهار لاءِ قرارداد جي منظوري ڏني آهي، جمعي ڏينهن سينيٽ جي اجلاس دوران قائدايوان راجا ظفر الحق ان سلسلي ۾ قرارداد پيش ڪئي، قرارداد ۾ چيو ويو ته سينيٽ والاريل ڪشمير ۾ رياستي دهشتگردي، انساني حقن جي سنگين خلاف ورزين ۽ ميڊيا تي ڀارت پاران کان پابندي جي مذمت ڪري ٿو ۽ مظلوم ڪشمير ي عوام سان مڪمل يڪجهتي جو اظهار ڪري ٿو، جنهن آزادي لاءِ پاڻ تحريڪ شروع ڪئي آهي، قرارداد ۾ چيو ويو آهي ته برهان مظفر واني جي شهادت کانپوءِ هينئر تائين ڀارت جي قابض سيڪيورٽي فورسز هٿان 50 ماڻهو شهيد ۽ 3 هزار 5 سئو کان وڌيڪ زخمي ٿي چڪا آهن جڏهن ته 150 ماڻهن کي نور کان محروم ڪيو ويو آهي، ڪشميرين جا پنج نسل ڀارت پاران نسل ڪشي جو منهن ڏسي رهيا آهن، 40 لک جي آبادي جي لاءِ ڀارت 7 لک کان وڌيڪ قابض فوجي مقرر ڪيا آهن، والاريل ڪشمير ۾ پبلڪ سيفٽي ايڪٽ اسپيشل پاور ايڪٽ سميت مختلف ڪارا قانون لاڳو آهن، انهن قانونن کي فوري طور تي ختم ٿيڻ گهرجي، ڇاڪاڻ جو اهو انسانيت ۽ رسول صه جي اقتدار جي خلاف آهي، ڀارت انسانيت جي خلاف ڏوهن جو مرتب ٿي رهيو آهي ۽ هو والاريل ڪشمير ۾ خطرناڪ هٿيار استعمال ڪري رهيو آهي، پرنٽ ۽ اليڪٽرانڪ ميڊيا تي پابندي لڳائڻ جو مقصد حقيقت ۽ سچائي ۽ ناانصافي کي لڪائڻ ۽ ڏوهاري هٿڪنڊن کي بي نقاب ٿيڻ کان بچائڻ جي ڪوشش آهي، سينيٽ وفاقي ڌرين جي جذبن جي عڪاسي ڪندي ڀارت پاران والاريل ڪشمير ۾ انساني حقن جي کلم کلا سنگين خلاف ورزين ۽ بربريت جي مذمت ڪري ٿو ۽ سڀني عالمي بين الپارلياماني ادارن، انساني حقن جي تنظيمن، سول سوسائٽي ۽ ميڊيا جي ادارن تي زور ڏئي ٿو ته هو ڪشميرين جي اڻ مٽ حقن کي حاصل ڪرڻ لاءِ گڏيل قومن جي قرارداد تي عملدرآمد ڪرائڻ ۾ پنهنجو ڪردار ادا ڪن، ايوان رٿ جي اتفاق راءِ سان منظوري ڏئي ڇڏي. اي پي پي/ص – ج/ش – چ/ر – م 16:10