ٽريڪٽرن جي قيمتن ۾ گهٽتائي آڻڻ جي لاءِ بيلاروس کي ٽريڪٽر سازي جي شعبي ۾ سيڙپڪاري جي دعوت ڏني وئي آهي: رانا تنوير حسين

اسلام آباد (پاکستان پوائنٹ نیوز۔22 جولائی۔2016) سائنس ۽ ٽيڪنالاجي واري وفاقي وزير رانا تنوير حسين چيو آهي ته ٽريڪٽرن جي قيمتن ۾ گهٽتائي آڻڻ جي لاءِ بيلاروس کي ٽريڪٽر سازي جي شعبي ۾ سيڙپڪاري جي دعوت ڏني وئي آهي، ٽريڪٽر سازي جو معيار بهتر بڻائڻ لاءِ قدم کنيا پيا وڃن، جمعي ڏينهن سينيٽ جي اجلاس ۾ سوالن جي وقفي دوران سينيٽر محسن لغاري، چوڌري تنوير خان ۽ نعمان وزير جي سوالن جي جواب ۾ سائنس ۽ ٽيڪنالاجي واري وفاقي وزير رانا تنوير حسين چيو ته ملڪ ۾ ٽريڪٽرن جي قيمتن ۾ گهٽتائي آڻڻ لاءِ بيلاروس کي پاڪستان ۾ ٽريڪٽر سازي جي شعبي ۾ سيڙپڪاري جي دعوت ڏني وئي آهي، هن چيو ته گذريل ڪجهه عرصي دوران ٽريڪٽرن جي تياري جي معيار ۾ گهٽتائي آئي آهي پر ٽريڪٽرن جي حوالي سان معيار واضح ڪرڻ تي اڳڀرائي جاري آهي، هن چيو ته روز مره استعمال جي شين ۽ ڊيري مصنوعات جي معيار کي يقيني بڻائڻ ۾ پي ايس ڪيو سي اي پنهنجو ڪردار ادا ڪندو. اٿارٽي جي سگهه ۾ به اضافو ڪيو ويندو، هن چيو ته ڪسٽم کانپوءِ غير معياري شيون ڪليئر ڪيون، ذميدارن جي خلاف ڪارروائي ٿيندي. اي پي پي/ص – ج/ش – چ/ر – م