اسلام آباد(پاکستان پوائنٹ نیوز۔20 جولائی۔2016) بنجاہی وزیر پارلیمانی امور شیخ آفتاب احمد ءَ گشتگ انتکہ اسلام آباد، کوئٹہ ءُُ کراچی ءَ منشیات ءِ عادی مردم آنی بحالی ءِ ھاتر ءَ ہسپتال کار کنگ ءَ انت، پشاور ءَ 100بستر ءِ ہسپتال زوت سرجم کنگ بیت۔ چار شمبے ءَ ایوان بالا ءِ دیوان ءَ وقفہ جست آنی وھد ءَ سینیٹر احمد حسن، سینیٹر خوش بخت شجاعت ءُُ سینیٹر حافظ حمد اللہ ءِ جست آنی پسو ءَ بنجاہی وزیر پارلیمانی امور شیخ آفتاب احمدءَ ایوان ءَ گشتگ کہ منشیات ءِ عادی مردم آنی بحالی ءِ ھاتر ءَ اسلام آباد ، کوئٹہ ءُُ کراچی ءَ ہسپتال کار کنگ ءَ انت، 100بستر آنی ہسپتال پشاور جوڑ بوھگ ءَ انت، ایشی ءِ کار سرجم بیت۔
ہمے ھاتر ءَ فنڈ برجاہ کرتگ انت۔ آئی ءَ گشتگ کہ منشیات ءِ عادی مردم آنی الاج ءِ جاہ ہمگرنچ صوبہ آنی محکمہ جان سلامتی ءِ دائرہ کار ءَ آتگ انت۔ بنجاہی انسداد منشیات پالیسی 2010ءِ ردا جان سلامتی ءِ صوبائی محکمہ آں ضلع ءُُ تحصیل ءَ نشہ ءِ عادی مردم آنی الاج ءِ وارڈ جوڑ کنگی انت۔ آئی ءَ گشتگ کہ کوئٹہ ءَ 45بستر ءِ ہسپتال کار کنگ ءَ انت، 12671نا دراں آں ایشی ءَ الاج کرتگ انت۔
