اسلام آباد(پاکستان پوائنٹ نیوز۔20 جولائی۔2016) مزن وزیر محمد نواز شریف لندن ءَ دِل سرجری کنگءُُ لاہور ءَ اڈ کنگ ءَ پد مرچی پنچ شمبے ءَ واپس اسلام ااباد ءَ سر بیت۔ اے گپ مزن وزیر گِس ءِ نیمگ ءَ گشتگ انت۔ دلگوش بہ بیت کہ مزن وزیر نواز شریف ءِ لندن ءَ 31مئی ءَ سر سوب اوپن دل سرجری بوتگ ات آئی ءِ پنچ روچ پد آئی ءَ ہسپتال ءَ ڈسچارج کرت انت ءُُ آ 9جولائی ءَ لاہور سر بوتگ ات۔
مزن وزیر ءَ صاحبزادی مریم نواز ءِ یک ٹویٹ ءِ ردا لاہور ءَ اڈ کنگ ءِ وھدءَ مزن وزیر ءِ پاد ءَ کمیں درد پیداک بوتگ ءُُ آئی ءِ الاج کرت انت ۔ دلگوش بہ بیت کہ لندن ءِ ہسپتال ءَ داخل بوھگ ءَ دیما مزن وزیر ءَ پاکستان ہائی کمیشن ءَ ریڈیو لنک ءِ ذریعہ ءَ بنجاہی کابینہ ءِ دیوان ءِ پاگواجہی کرتگ ات۔ مزن گِس ءِ ترجمان ءَ گشتگ کہ مزن وزیر 21جولائی ءَ واپس اسلام آباد سر بیت۔
