بھارت جموں و کشمیر ءِ سنجیدہ مسئلہ ءَ نا شرکاری ءَ جوڑ ینگ ءَ سرجمیں سول ءُُ تران ءِ راہ وتی کنگ ءَ انت،

کشمیری سروک آنی ھواری ءَ ابید مسئلہ کشمیر ءِ ھل بوت نہ کنت مشیر خارجہ سرتاج عزیز ءِ یوم سیاہ ءِ ھوالہ ءَ اسلام آباد ءَ دیوان ءَ تران

بھارت جموں و کشمیر ءِ سنجیدہ مسئلہ ءَ نا شرکاری ءَ جوڑ ینگ ءَ سرجمیں سول ءُُ تران ءِ راہ وتی کنگ ءَ انت،
 کشمیری سروک آنی ھواری ءَ ابید مسئلہ کشمیر ءِ ھل بوت نہ کنت مشیر خارجہ سرتاج عزیز ءِ یوم سیاہ ءِ ھوالہ ءَ اسلام آباد ءَ دیوان ءَ تران

اسلام آباد(پاکستان پوائنٹ نیوز۔20 جولائی۔2016) مشیر خارجہ سرتاج عیز ءَ گشتگ انت کہ بھارت جموں و کشمیر ءِ سنجیدہ مسئلہ ءَ نا شرکاری ءَ جوڑینگ ءَ جامع سول ءُُ تران کنگ ءَ انت۔ کشمیری سروک آنی ھواری ءَ ابید مسئلہ کشمیر ءِ ھل ممکن بوت نہ کنت۔ کشمیری اُلس ءِ نیمگ ءَ ھق وت واجہی ءِ لوٹ نا شرکاری نہ انت، پاکستان میاں استمانی برات آنی جیڑھ کشمیرءِ ھل ءِ ضلورت ءِ احساس دئیگ ءَ انت تنکہ مقبوضہ کشمیر ءَ انسانی حقوق ءِ ھلاپ ورزی ءَ داشت بہ کن انت۔

چار شمبے ءَ مقبوضہ کشمیر ءَ بے گناہ کشمیری آں ماورائے امید گِس لس کشگ ءُُ بھارتی جارحیتءِ ھلاپ یوم سیاہ ءِ ھوالہ ءَ اسلام آباد ءَ یک دیوان ءَ تران کنگ ءَ آئیءَ گشتگ کہ پاکستان کشمیری اُلس ءِ ھق وت واجہی ءِ حمایت ءِ ھاتر ءَ لہتیں ملک آنی رائے عامہ گرگ ءِ کوشست ہم کنگ ءَ انت۔ سرتاج عزیز ءَ گشتگ کہ حکومت ءَ مسئلہ کشمیر ءُُ مقبوضہ کشمیر ءَ انسانی حقوق ءِ ھلاپ ورزی ءَ زورگ ءِ ھاتر ءَ کثیر الجہتی حکمت عملی وتی کرتگ انت۔

مشیر خارجہ ءَ گشتگ کہ آئی ءَ اقوام متحدہ ءِ ذیلی ادارگ ءِ سروک ءُُ اسلامی کمک تنظیم ءَ نبشتہ انت آئیء َ آھانی سرا زور داتگ انت کہ آ کشمیری اُلس ءِ ھلاپ بھارتی بر بریت انسانی حقوق ءِ تنظیم آنی نوٹس ءَ بیار ات ءُُ ایشی ءِ ھلاپ احتجاج بہ کنت۔ آئی ءَ اے گپ ءِ سرا اپسوزے ء، درشانی کرتگ کہ بھارت جموں ءُُ کشمیر ءِ سنجیدگ مسئلہ ءَ نا شرکاری ءَ جوڑینگ سرجمیں سول ءُُ تران ءِ ردا گپ ءُُ تران کنگ ءَ انت۔

آئی ءَ گشتگ کہ نوں درستیں دگنیا زانت کہ اے نا شرکاری ءِ نہ بلکں کشمیری اُلس ءِ ھق وت واجہی ءِ جست انت۔ سرتاج عزیز ءَ منتگ کہ پاکستان ءِ کشمیر ءِ باروا سنجیدگ سول ءُُ تران ءِ لوٹ ءُُ بھارت ءِ ہٹ دھرمی ءُُ با معنی گپ ءُُ تران ءَ انکار ءَ یک دراجیں خلیج انت۔ آئی ءَ گشتگ کہ پاکستان کشمیری آنی اخلاقی ءُُ سفارتی حمایت برجاہ بہ داریت۔