حکومت بلوچستان ءَ ملک ءِ دومی دمگ آں بروبر کنگ ءِ ھاتر ءَ پر ازم ءُُ الس ءِ شریں زند برز کنگ ءِ ھاتر ءَ دیمروی ءِ کار آنی سرا دیان دئیگ ءَ انت

صدر مملکت ممنون حسین ءِ سپیکر بلوچستان اسمبلی راحیلہ حمید خان درانی ءِ گوں گپ ءُُ تران

حکومت بلوچستان ءَ ملک ءِ دومی دمگ آں بروبر کنگ ءِ ھاتر ءَ پر ازم ءُُ الس ءِ شریں زند برز کنگ ءِ ھاتر ءَ دیمروی ءِ کار آنی سرا دیان دئیگ ءَ انت
صدر مملکت ممنون حسین ءِ سپیکر بلوچستان اسمبلی راحیلہ حمید خان درانی ءِ گوں گپ ءُُ تران

اسلام آباد (پاکستان پوائنٹ نیوز۔20 جولائی۔2016) صدر مملکت ممنون حسین ءَ گشتگ انتکہ حکومت بلوچستان ءَ ملک ءِ دومی دمگ آنی بروبر آرگ ءِ ھاتر ءَ پر ازم انت ءُُ صوبہ ءِ اُلس ءِ معیار زند برز کنگ ءِ ھاترءَ دیمروی کار آنی سرا دیان دئیگ ءَ انت۔ آئی ءَ اے گپ سپیکر بلوچستان اسمبلی راحیلہ حمید خان درانی ءِ گوں گپ ءُُ تران کنگ ءَ کرتگ۔ آھاں چار شمبے ءَ ایوان صدر ءَ آئی گوں گندءُُ نند کرت انت۔

صوبہ ءَ امن ءُُ ایمنی ءِ شر یں جاورال ءِ سرا تسلا ءِ درشانی کنگ ءَ صدر مملکت ءَ گشتگ کہ گوادر بندرگاہ ءِ فعال بوھگ ءُُ پاک چین اقتصادی راہداری ءِ سرجمی ءَ بلوچستانءَ دیمروی ءُُ وشحالی ءِ نوکیں راہ پچ بیت۔ آئی ءَ گشتگ کہ بلوچستانءَ کار ءُُ باری ءُُ واپاری ترندی ءِ بحالی ءَ روزگار ءِ موہ پیداک بیت ءُُ صوبہ دیمروی ءِ شاہرگ ءِ سرا روان بیت۔ صدر ءَ صوبہ ءَ جمہوری روایت ءِ دِگہ محکمی ءَ سپیکر بلوچستان اسمبلی ءِ جہت ءَ بانک راحیلہ حمید خان درانی ءِ کرد ءِ ستا کرتگ۔