اسلام آباد (پاکستان نیوز پوائنٹ 4 نومبر2016ء) سينيٽ پوليس ٽريننگ سينٽر ڪوئيٽا تي دهشتگردن جي حملي خلاف مذمتي قرارداد جي منظوري ڏني. ڪالهه جمعي ڏينهن سينيٽ جي اجلاس ۾ مخالف ڌر اڳواڻ سينيٽر اعتزاز احسن قرارداد پيش ڪئي، قرارداد ۾ چيو ويو آهي ته سينيٽ 24 آڪٽوبر تي پوليس ٽريننگ سينٽر تي حملي جي سخت مذمت ڪري ٿو جنهن ۾ 60 کان وڌيڪ اهلڪار شهيد ٿيا. سينيٽ سوڳوار خاندانن سان دلي تعزيت ڪري ٿو ۽ زخمين جي جلد صحتيابي جي لاءِ دعاڳو آهي. قرارداد ۾ چيو ويو آهي ته سينيٽ پاڪستان ۽ خاص طور تي بلوچستان ۾ دهشتگردي جي واقعن ۾ ٻاهرئين ملڪن ۽ ڪجهه ايجنسين جي ملوث هجڻ جي پڻ مذمت ڪري ٿو ۽ حڪومت تي زور ڀري ٿو ته اهڙن عنصرن کي منهن ڏنو وڃي. ايوان قرارداد جي اتفاق راءِ سان منظوري ڏئي ڇڏي.
سينيٽ پاران پوليس ٽريننگ سينٽر ڪوئيٽا تي حملي خلاف مذمتي قرارداد منظور
8 سال پھريان