اسلام آباد (پاکستان پوائنٹ نیوز 03 دسمبر 2018ء) صدر ڊاڪٽر عارف علوي معذور ماڻهن کي بااختيار بڻائڻ ۽ هڪجهڙن موقعن جي فراهمي جي عزم جو اظهار ڪندي چيو آهي ته اسان اهڙو نظام جوڙڻ جي لاءِ ڪوششون ڪري رهيا آهيون جنهن سان خصوصي ماڻهن جي صلاحيتن ۾ اضافو ٿيندو ۽ کين مختلف موقعن مان فائدو کڻڻ جي لاءِ پنهنجون ترجيحون طئي ڪرڻ ۾ مدد فراهم ڪري سگهبي. هن اها ڳالهه سومر ڏينهن معذور ماڻهن جي عالمي ڏينهن جي موقعي تي پنهنجي پيغام ۾ چئي. هن چيو ته اهو ڏينهن ملهائڻ جو مقصد معذور ماڻهن جي حقن جي باري ۾ شعور اُجاگر ڪرڻ آهي. هن چيو ته خصوصي ماڻهن کي ٽرانسپورٽيشن، روزگار ۽ تعليم سميت زندگي جي سمورن شعبن ۾ هڪجهڙا موقعا فراهم ڪرڻ جي ضرورت آهي، مستحڪم جمهوريت جو قيام، فعال شهريت ۽ معاشري ۾ عدم برابري کي گهٽ ڪرڻ جي لاءِ عام زندگي ۾ شرڪت بنيادي حق آهي، گهڻو ڪري معذوري جي حوالي سان امتيازي روين ۽ پراڻن تصورن جي بنياد تي سماجي تشخص تي منفي اثر پوندو آهي. هن چيو ته اسان کي رڪاوٽن ۽ مني تاثرن کي ختم ڪندي سڀني جي لاءِگهڻ رخي شراڪتدار معاشري جي جوڙجڪ ڪرڻ گهرجي.
خصوصي ماڻهن جي صلاحيتن ۾ اضافي لاءِ نظام جوڙيو پيو وڃي: صدر ڊاڪٽر عارف علوي
5 سال پھريان
