مخالف ڌر طرفان پاناما پيپرز جي حوالي سان انڪوائري بل واضح طور تي متڀيد وارو آهي: وفاقي وزير زاهد حامد

اسلام آباد (پاکستان نیوز پوائنٹ 26ستمبر 2016ء) قانون واري وفاقي وزير زاهد حامد چيو آهي ته مخالف ڌر طرفان پاناما پيپرز جي حوالي سان انڪوائري بل واضح طور تي متڀيد وارو آهي، احتساب ۽ انڪوائري سڀني جي هجڻ گهرجي، مخالف ڌر جي بل جو مقصد رڳو وزيراعظم کي نشانو بڻائڻ آهي. سومر ڏينهن سينيٽ جي اجلاس ۾ پاناما پيپرز انڪوائري بل 2016ع جي مخالفت ڪندي قانون واري وزير چيو ته بل جي ديباچي ۾ هي واضح ٿي وڃي ٿو ته هي امتيازي بل آهي، پاناما پيپرز ۾ جن جا نالا آهن انهن جي انڪوائري ٿيڻ گهرجي ۽ اسان به اهو ئي چئون ٿا، پر هن بل جو مقصد صرف وزيراعظم کي نشانو بڻائڻ آهي، چيو پيو وڃي ته هي نه سمجهيو وڃي ته بل امتيازي نوعيت جو آهي جڏهن ته هي واضح طور تي امتيازي آهي، احتساب ۽ انڪوائري سڀني جي ٿيڻ گهرجي، ان بل سان پاناما پيپرز ۾ مخالف ڌر جي جن ماڻهن جا نالا آهن انهن تي ڪو اثر نه پوندو صرف حڪومت کي نشانو بڻايو ويندو. ٻئي پاسي پاناما پيپرز انڪوائري بل 2016ع ايوان ۾ پيش ڪرڻ جي رٿ اڪثريت راءِ سان منظور ڪئي وئي، رٿ جي حق ۾ 32 جڏهن ته مخالفت ۾ 19 ووٽ پيا، اجلاس ۾ مخالف ڌر اڳواڻ اعتزاز احسن پاناما پيپرز انڪوائري بل 2016ع پيش ڪرڻ جي اجازت گهري، هن چيو ته جيڪڏهن هن بل کي ڪميٽي جي حوالي ڪيو وڃي ته ان ۾ ڪنهن قسم جي ترميم جي مخالفت نه ڪنداسين. چيئرمين بل تي ٽي دفعا ايوان جي پڪار ذريعي راءِ حاصل ڪئي جنهن کانپوءِ هن چيو ته هو حق ۽ مخالفت ۾ بلند ٿيندڙ آوازن سان فيصلو نٿو ڪري سگهي جنهن کانپوءِ هن ميمبرن کي سيٽن تي بيهاري انهن جي راءِ حاصل ڪئي، بل جي حق ۾ 32 ۽ مخالفت ۾ 19 ميمبرن پنهنجي راءِ جو اظهار ڪيو جنهن تي چيئرمين بل ڪميٽي کي موڪلي ڇڏيو.