پاڪستان بجلي، تيل ۽ گئس، ٽيلي ڪام ۽ مالياتي خدمتن جي شعبن ۾ سيڙپڪاري تي پرڪشش منافعو پيش ڪري ٿو: وزيراعظم شاهد خاقان عباسي

اسلام آباد (پاکستان نیوزپوائنٹ 25اپریل 2018ء) وزيراعظم شاهد خاقان عباسي پاڪستان ۽ گڏيل عرب اماراتن جي وچ ۾ واپار جي وڌندڙ ڪاٿي تي اطمينان جو اظهار ڪندي چيو آهي ته پاڪستان بجلي، تيل ۽ گئس، ٽيلي ڪام ۽ مالياتي خدمتن جي شعبن ۾ سيڙپڪاري تي پرڪشش منافعو پيش ڪري ٿو. هن اها ڳالهه يو اي اي جي سفير حمد عبيد ابراهيم سالم الزابي سان ڳالهائيندي چئي جنهن ڪالهه اربع ڏينهن وزيراعظم آفيس ۾ ساڻس ملاقات ڪئي. وزيراعظم يو اي اي سان لاڳاپن جي اهميت کي اجاگر ڪندي چيو ته ٻاهرئين ملڪ رهندڙ پاڪستانين جو وڏو انگ يو اي اي جي ترقي ۾ اهم ڪردار ادا ڪري رهيو آهي ۽ ڀائراڻن لاڳاپن ۾ پل جي طور ڪم ڪري رهيو آهي. هن يو اي اي جي ترقي ۽ پاڪستان کي خاص طور ڏورانهن علائقن ۾ فراهم ڪيل انساني همدردي مدد کي ساراهيو. هن چيو ته اهو تعاون اسان جي مضبوط رشتن جو عڪاس آهي. وزيراعظم پاڪستان حڪومت ۽ عوام پاران يو اي اي جي صدر شيخ خليفه بن زيد النهيان ۽ عوام جي لاءِ نيڪ خواهشون پهچايون. يو اي اي جي سفير وزيراعظم جا ٿورا مڃيندي پاڪستان جي تيل ۽ گئس جي شعبي ۾ سيڙپڪاري جي لاءِ يو اي اي جي دلچسپي ظاهر ڪئي.