گڏيل قومون (پاکستان نیوز پوائنٹ 21ستمبر 2016ء) پرڏيهي سيڪريٽري اعزاز احمد چوڌري يورپي يونين جي پرڏيهي معاملن واري سيڪريٽري جنرل هيلگاشمد سان ملاقات ڪئي ۽ کيس ڀارتي والاريل ڪشمير ۾ خراب ٿيندڙ صورتحال ۽ ان بابت پاڪستان جي ڳڻتي کان آگاهه ڪيو. گڏيل قومن جي جنرل اسيمبلي جي اجلاس جي موقعي تي ٿيندڙ ملاقات ۾ پرڏيهي سيڪريٽري کيس بيگناهه ڪشميرين جي خلاف ڀارت پاران ڪيل انساني حقن جي خلاف ورزين بابت ٻڌايو جن جي نتيجي ۾ 100 کان وڌيڪ ماڻهو شهيد ۽ 8 هزار کان وڌيڪ زخمي ٿي چڪا آهن. هتي جاري هڪ بيان موجب يورپي يونين پاڪستان جي خدشن کي نوٽ ڪيو ۽ پاڪ ڀارت لاڳاپن جي موجوده صورتحال بابت معلومات ورتي، ملاقات ۾ افغانستان بابت پڻ خيالن جي ڏي وٺ ڪئي وئي. هيلگاشمد افغانستان ۾ امن جي ڪوششن جي حوالي سان پاڪستان جي ڪردار کي ساراهيو. هن پرڏيهي سيڪريٽري کي آڪٽوبر ۾ برسلز ۾ ٿيندڙ افغانستان بابت وزارتي ڪانفرنس بابت پڻ آگاهه ڪيو.
اعزاز چوڌري جي يورپي يونين جي پرڏيهي معاملن واري سيڪريٽري سان ملاقات
8 سال پھريان