اسلام آباد (پاکستان نیوزپوائنٹ 16اپریل 2018ء) سي پيڪ منصوبي تحت پاڪستان ۾ خصوصي اقتصادي زونز ۾ صنعتون قائم ڪندڙ پاڪستاني، چيني ۽ پرڏيهي سيڙپڪارن کي هڪ جهڙيون خصوصي مراعتون حاصل هونديون. سي پيڪ سيڪريٽريٽ جي ذريعن موجب خصوصي اقتصادي زونز ۾ صنعتون قائم ڪندڙ پاڪستاني، چيني ۽ غيرملڪي سيڙپڪارن کي ڊيوٽيون ۽ ٽيڪسن سان ڇوٽ ۽ رعايتي قرضن سميت خصوصي مراعتون حاصل ڪندا. هن ٻڌايو ته سمورن زونز ۾ پاڪستان جي مقامي صنعت کي به فوقيت ڏني ويندي ۽ پاڪستان حڪومت چين جي ڪاروباري ادارن سميت دلچسپي رکندڙ سيڙپڪارن جي ترغيب جي لاءِ هڪ پاليسي پئڪيج تيار ڪيو آهي. رعايتي پئڪيج ۾ خصوصي اقتصادي زونز ۾ هڻڻ لاءِ پاڪستان ايندڙ مشينري ۽ پلانٽس کي سمورين ڪسٽم ڊيوٽين ۽ ٽيڪسن کان هڪ ڀيرو ڇوٽ شامل آهي. ذريعن ٻڌايو ته خصوصي اقتصادي زونز ۾ رشڪئي خيبرپختونخواهه، ڌاٻيجي سنڌ، بلوچستان ۾ بوستان انڊسٽريل زون، علامه اقبال انڊسٽريل سٽي فيصل آباد، گلگت ۾ مقپونداس، اسلام آباد ۾ آءِ سي ٽي ماڊل، سنڌ ۾ پورٽ قاسم، فاٽا ۽ ميرپور آزاد ڪشمير ۾ مهمند ماربل سٽي شامل آهن. پاڪ چين اقتصادي لنگهه منصوبي تحت قائم صنعتي پارڪس ۾ گئس، بجلي، پاڻي ۽ ٻيون سهولتون ۽ ڪم دوران سهولتون فراهم ڪيون وينديون. هن ٻڌايو ته هر هڪ زون ۾ پاڪستاني ليبر لاز لاڳو هوندا ۽ ڪم ڪندڙ ماڻهن لاءِ اتي ووڪيشنل اينڊ ٽيڪنيڪل سينٽرز قائم ڪيا ويندا.
سي پيڪ منصوبي تحت پاڪستان ۾ خصوصي اقتصادي زونز ۾ صنعتون قائم ڪندڙ پاڪستاني، چيني ۽ پرڏيهي سيڙپڪارن کي هڪ جهڙيون خصوصي مراعتون حاصل هونديون
6 سال پھريان
