سوالن واري وقفي دوران غير حاضر آفيسر کي معطل ڪيو ويندو: سيد جاويد علي شاهه

اسلام آباد (پاکستان نیوزپوائنٹ 14مارچ2018ء) ) آبي وسيلن واري وفاقي وزير سيد جاويد علي شاهه قومي اسيمبلي کي خاطري ڪرائي آهي ته ايوان ۾ سوالن واري وقفي دوران جنهن آفيسر جي ڊيوٽي هئي ۽ اهو موجود نه هو ان کي ملازمت کان معطل ڪيو ويندو. اربع ڏينهن قومي اسيمبلي ۾ سوالن واري وقفي دوران نفيسه عنايت الله خان خٽڪ جي سوال جي جواب ۾ آبي وسيلن واري وزارت جي اعليٰ آفيسرن جي عدم موجودگي تي اسپيڪر وزارت جي سيڪشن آفيسر کي هدايت ڪئي ته هو وڃي جوائنٽ سيڪريٽري، ايڊيشنل سيڪريٽري يا سيڪريٽري کي گهرائي، هن وزير کي چيو ته جنهن آفيسر جي هتي ذميداري هئي ان جي غير موجودگي تي معطل ڪنداسين، ان تي جاويد علي شاهه واعدو ڪيو، اسپيڪر چيو ته انهن ٽنهي کي هتي گهرائي ويهاريو، شيرين مزاري چيو ته بيورو ڪريسي تعاون نه ڪري رهي آهي، اسان پرڏيهي ڪميٽي ۾ هڪ سوال پڇيو هو چار سالن ۾ ڪميٽي کي جواب ناهي مليو، اسپيڪر چيو ته نالو لکي ڏيو ڪارروائي ڪنداسين.