اسلام آباد (پاکستان نیوزپوائنٹ 13مارچ2018ء) مسلم ليگ (ن) جي اڳواڻ قومي اسيمبلي ميمبر راجا جاويد اخلاص چيو آهي ته بلوچستان حڪومت کي هارس ٽريڊنگ جي ذريعي ڪيرايو ويو، سينيٽ جي چونڊن سان جمهوري عمل اڳتي وڌيو، اڱاري ڏينهن پارليامينٽ هائوس ٻاهران ميڊيا سان ڳالهائيندي هن چيو ته سينيٽ جي چونڊن ۾ هڪ پارٽي جو هڪ صوبي ۾ صوبائي ميمبر نه هجڻ جي باوجود سينيٽ جون سيٽون حاصل ڪيون، سينيٽ چونڊن جو عمل مڪمل ٿيو پر هي عمل جمهوري طريقي سان نه ٿيو پر جمهوريت جي نفي ٿي، هن چيو ته بلوچستان صوبي جي مضبوط حڪومت کي هارس ٽريڊنگ جي ذريعي ڪيرايو ويو اسان کي ان طرز عمل کان ڇوٽڪارو حاصل ڪرڻو پوندو، جمهوري عمل کي جهڙي طرح نقصان پهچايو ويو ان تي سڀني کي اعتراض آهي.
بلوچستان حڪومت کي هارس ٽريڊنگ جي ذريعي ڪيرايو ويو: راجا جاويد اخلاص
6 سال پھريان
