سينيٽ جي چونڊن ۾ پئسي ۽ طاقت جون ڳالهيون جمهوريت لاءِ نقصانڪار آهن: وفاقي وزير عبدالقادر بلوچ

اسلام آباد (پاکستان نیوزپوائنٹ 13مارچ2018ء) سيفران واري وفاقي وزير عبدالقادر بلوچ چيو آهي ته سينيٽ جي چونڊن ۾ پئسي ۽ طاقت جون ڳالهيون جمهوريت لاءِ نقصانڪار آهن، جيڪو طريقو اختيار ڪيو ويو اهو غلط ۽ نامناسب آهي. اڱاري ڏينهن پارليامينٽ هائوس ٻاهران ميڊيا سان ڳالهائيندي وفاقي وزير چيو ته هڪ ٻي جي لاءِ چور ۽ ڌاڙيل جا لفظ استعمال ڪندڙ ماڻهن جو هٿ ملائڻ تي پاڪستان جي عوام کي سوچڻ گهرجي، وفاقي وزير چيو ته عوام 2018ع جي عام چونڊن ۾ اهڙن ماڻهن کي رد ڪندي، هڪ سوال جي جواب ۾ هن چيو ته سينيٽ جي چونڊن ۾ جيڪو طريقو اختيار ڪيو ويو اهو انتهائي غلط ۽ نامناسب هو، اهڙين قوتن کي روڪڻو پوندو۔