سينيٽ اليڪشن جي شروعات بلوچستان حڪومت ۾ عدم اعتماد جي رٿ سان شروع ٿي: صاحبزاده طارق الله

اسلام آباد (پاکستان نیوزپوائنٹ 13مارچ2018ء) جماعت اسلامي جي پارلياماني اڳواڻ صاحبزده طارق الله چيو آهي ته سينيٽ اليڪشن جي شروعات بلوچستان حڪومت ۾ عدم اعتماد جي رٿ سان شروع ٿي، سينيٽ اليڪشن غليظ ۽ داغدار جمهوريت جو مثال آهي، اهڙن ماڻهن کي ميدان ۾ آندو ويو جنهن وٽ پئسو هو، پئسو وٺندڙ ۽ ڏيندڙن کان قرآن پاڪ تي حلف ورتو وڃي، اسان جي ويجهو هڪ اهڙي مٿين ايوان جي ڪا به حيثيت نه هوندي، اڱاري ڏينهن قومي اسيمبلي ۾ اعتراض واري نقطي تي صاحبزاده طارق الله چيو ته سينيٽ اليڪشن ۾ جيڪو ڪجهه ٿيو ان جو تاريخ ۾ مثال نٿو ملي، هي انتهائي غلط ۽ عدم شفافيت جي طريقيڪار سان ٿيو ۽ هي داغدار جمهوريت جو مثال آهي، اهڙن ماڻهن کي ميدان ۾ آندو ويو جن وٽ پئسو هو، بلوچستان ۾ عدم اعتماد جي رٿ سان شروعات ٿي، پهرين اسان کي خطرو هو ته سينيٽ اليڪشن نه ٿينديون پر اهو خطرو ٽري ويو ۽ اليڪشن ٿي پر صوبن ۾ پنج ميمبر رکندڙ پارٽي سينيٽر چونڊرايو ۽ 15 ميمبرن واري پارٽي ايئن نه ڪري سگهي، خيبرپختونخوا اسيمبلي ۾ رڍن ٻڪرين جي بازار گرم ٿي، اسان ان جي مذمت ڪريون ٿا، پئسا ڏئي چونڊيلن کان قرآن پاڪ تي حلف ورتو وڃي، اهڙي سينيٽ جي ڪا به حيثيت نه آهي.