اسيمبلين ۾ موجود ميمبرن جي تعداد جي نمائندگي جي تناسب جي بنياد تي ايندڙ چونڊون ٿيڻ گهرجن: افتخارالدين

اسلام آباد (پاکستان نیوزپوائنٹ 13مارچ2018ء) چترال کان آل پاڪستان مسلم ليگ جي قومي اسيمبلي ميمبر افتخار الدين تجويز ڏني آهي ته اسيمبلين ۾ موجود ميمبرن جي تعداد جي نمائندگي جي تناسب جي بنياد تي ايندڙ چونڊون ٿيڻ گهرجن. اڱاري ڏينهن قومي اسيمبلي ۾ افتخار الدين اعتراض واري نقطي تي چيو ته 70سالن کان پاڪستان ۾ عدم استحڪام آهي، جن ماڻهن پنهنجا ووٽ رڍن ٻڪرين وانگر وڪرو ناهن ڪيا اهي مبارڪباد جا مستحق آهن، اهي ڳالهيون عام آهن ته جهڙي طرح سينيٽ ۾ ٿيو آهي اهڙي طرح قومي اسيمبلي به جوڙي وڃي، عدالتي فيصلن جا سياسي فائدا ڪنهن کي مليا، هن ملڪ ۾ شفاف چونڊن جي انعقاد جي ڪهڙي ضمانت آهي، ڪي پي ڪي ۾ عمران خان پاڻ چيو ته سندس ووٽ وڪرو ٿيا، پنجاب ۾ چوڌري سرور کي 14 اضافي ووٽ مليا، جيڪڏهن بهتري نه آئي ته رٻڙ اسٽيمپ اسيمبلي وجود ۾ ايندي، ادارن جي ڇڪتاڻ جيڪڏهن ختم نه ڪئي وئي ته ملڪ جي لاءِ بهتر نه هوندو.