اسلام آباد (پاکستان نیوزپوائنٹ 22 فروری2018ء) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته محمد نواز شريف کي پارٽي صدر جي عهدي تان هٽائڻ جو ڪالهه جو فيصلو بنيادي حقن جي نفي ۽ پاناما فيصلي جي هڪ ٻي ڪڙي آهي، ڪمزور فيصلن جو دفاع ڪرڻ جي لاءِ ڪمزور فيصلا ئي لکڻا پون ٿا، جيڪي فيصلا آيا اهي اڳ ۾ ئي متوقع هئا، ڪا اهڙي نئين تشريح به ڳوليو جنهن سان نواز شريف جي ووٽرز ۽ سندس چاهيندڙن کي نااهل ڪري سگهجي، اهڙي طرح جي فيصلن سان محمد نواز شريف جي عوامي مقبوليت وڌي آهي، (ن) ليگ جو ايندڙ صدر ڪير هوندو، فيصلو محمد نواز شريف ۽ پارٽي اڳواڻن جي مشاورت سان ٿيندو. ڪالهه خميس ڏينهن احتساب عدالت ٻاهران صحافين سان ڳالهائيندي مريم اونرگزيب چيو ته هڪ ٻئي جي پٺيان فيصلا ٻڌايا پيا وڃن ۽ اسان جا مخالف به چون ٿا ته پاناما ڪيس جو فيصلو هڪ ڪمزور فيصلو هو، ان ڪمزور فيصلن جو دفاع ڪرڻ جي لاءِ ڪمروز فيصلا ئي لکڻا پون ٿا ۽ جيڪي فيصلا آيا انهن جو اڳ ۾ ئي پتو هو. ان سوال ته سپريم ڪورٽ پاران محمد نواز شريف کي پارٽي صدارت جي لاءِ نااهل قرار ڏيڻ کانپوءِ پارٽي جي نئين صدر جو حتمي فيصلو ڪيستائين ڪيو ويندو، جي جواب ۾ مملڪتي وزير چيو ته آئنده جي حڪمت عملي پارٽي جي سينيئر قيادت جي مشاورت سان طئي ٿيندي ۽ ان حوالي سان فيصلي جو اعلان اڳوڻو وزيراعظم محمد نواز شريف مشاورت کانپوءِ ڪندو.
نواز شريف کي پارٽي صدر جي عهدي تان هٽائڻ جو ڪالهه جو فيصلو بنيادي حقن جي نفي ۽ پاناما فيصلي جي هڪ ٻي ڪڙي آهي: مملڪتي وزير مريم اورنگزيب
6 سال پھريان
