اسلام آباد (پاکستان نیوزپوائنٹ 17فروری2018ء) اطلاعات ۽ نشريات واري مملڪتي وزير مريم اورنگزيب ناليواري فنڪار مطلوب الرحمان جي لاڏاڻي تي گهري ڏک ۽ افسوس جو اظهار ڪيو آهي. مطلوب الرحمان زڪوٽا جن جي ڪردار سان مشهور ٿيو ۽ ٻارن سميت معاشري جي سمورن طبقن ۾ هڪ جهڙي مقبوليت حاصل ڪئي. مريم اورنگزيب ڪالهه ڇنڇر ڏينهن پنهنجي تعزيتي بيان ۾ چيو ته ناليوارو فنڪار مطلوب الرحمان پنهنجي فني سفر دوران تمام شاندار ڪردار پنهنجي ڀرپور صلاحيتن سان انجام ڏنا ۽ زڪوٽا جن جي ڪردار کيس شهرت جي بلندين تي پهچايو. مملڪتي وزير چيو ته ماڻهن کي کلائيندڙ مطلوب الرحمان اڄ سڀني کي روئاري ويو ۽ سندس مداح سندس کوٽ سدائين محسوس ڪندا رهندا. هن مرحوم جي مغفرت ۽ پونئيرن جي لاءِ صبر جميل جي دعا ڪئي.
مريم اورنگزيب پاران ناليواري فنڪار مطلوب الرحمان جي لاڏاڻي تي ڏک جو اظهار
6 سال پھريان