اسلام آباد (پاکستان نیوزپوائنٹ 13 فروری2018ء) قومي اسيمبلي جي قاعدن ۽ ضابطن جي قاعدي 2007ع ۾ 8 ترميمون پيش ڪيون ويون، جيڪي وڌيڪ غور جي لاءِ لاڳاپيل اسٽينڊنگ ڪميٽي جي حوالي ڪيون ويون. ڪالهه اڱاري ڏينهن قومي اسيمبلي جي ميمبر شازيه مري قومي اسيمبلي جي قاعدن ۽ ضابطن جي قاعدي 200، 206ع، 208، 210، 212، 244، 244 ب، 244 ج ۾ ترميمون پيش ڪيون. سندس موقف هو ته قومي اسيمبلي جي اسٽينڊنگ ڪميٽين ۾ عورتن جو وڌ کان وڌ انگ هجڻ گهرجي جنهن تي پارلياماني معاملن واري وفاقي وزير شيخ آفتاب احمد چيو ته اسان ڪوشش ڪئي آهي ته سمورين اسٽينڊنگ ڪميٽين ۾ وڌ کان وڌ عورتن جي شموليت کي يقيني بڻايو وڃي. اسٽينڊنگ ڪميٽين جو رڪارڊ ڏسي سگهجي ٿو. پارلياماني معاملن واري وزير قاعدن ۾ ترميمن جي مخالفت نه ڪئي جنهن تي ترميمون لاڳاپيل اسٽينڊنگ ڪميٽي حوالي ڪيون ويون.
قومي اسيمبلي جي قاعدن ۽ ضابطن جي قاعدي 2007ع ۾ 8 ترميمون پيش
6 سال پھريان
