اسلام آباد (پاکستان نیوزپوائنٹ23جنوری2018ء) ناڻي واري مملڪتي وزير رانا محمد افضل چيو آهي ته معيشت جي صورتحال اڄ ماضي جي ڀيٽ ۾ تمام گهڻي بهتر آهي، اسان کي جيڪا معيشت ورثي ۾ ملي، ان جي اڄ جي معاشي صورتحال سان ڪا به ڀيٽ نه ٿي ڪري سگهجي. ڪالهه اڱاري ڏينهن سينيٽ جي اجلاس ۾ سينيٽر محسن عزيز ۽ طلحيٰ محمود جي رپئي جي قدر ۾ گهٽتائي ۽ معاشي صورتحال بابت رٿن تي بحث سهيڙِندي هن چيو ته ملڪ جو آمدني واپار وڌي رهيو آهي جنهن سان ڊالر جي قيمت وڌي آهي، حڪومت غيرضروري شين تي ڊيوٽي وڌائي آهي، اسان پنهنجو عرصو مڪمل ڪري وينداسين ته حڪومت کي ان کان بهتر معاشي صورتحال ۾ ڇڏي وينداسين. صنعتن جي لاءِ ملڪ مان لوڊشيڊنگ جو خاتمو ٿي چڪو آهي. ڊسٽري بيوشن نيٽ ورڪ جي ڪري ڪجهه مشڪلاتون آهن، پاڪستان ۾ صنعتي شعبي ۾ سيڙپڪاري ٿي رهي آهي، توانائي جو بحران ڏينهون ڏينهن وڌيڪ گهٽ ٿيندو. دنيا ۾ اسان جي ساک بهتر ٿي رهي آهي، اسان جي ريٽنگز بهتر آهن، چئلينجز ايندا آهن اسان انهن کي منهن ڏئي رهيا آهيون. ان کان اڳ سينيٽر محسن عزيز چيو ته رپئي جي قدر ۾ گهٽتائي سان معيشت تباهه ٿي آهي، حڪومت دعويٰ ڪئي هئي ته رپئي جي قدر ۾ گهٽتائي نه ٿيندي. سينيٽر جهانزيب جمالديني چيو ته معيشت جي حالت جو جائزو وٺڻو پوندو.
معيشت جي صورتحال اڄ ماضي جي ڀيٽ ۾ تمام گهڻي بهتر آهي، اسان کي جيڪا معيشت ورثي ۾ ملي، ان جي اڄ جي معاشي صورتحال سان ڪا به ڀيٽ نه ٿي ڪري سگهجي: مملڪتي وزير رانا محمد افضل
6 سال پھريان
