اسلام آباد (پاکستان نیوزپوائنٹ20جنوری2018ء) ٻارن سان زيادتي جي روڪٿام جي لاءِ جوڙيل خصوصي پارلياماني ڪميٽي جو اجلاس سومر ڏينهن پارليامينٽ هائوس ۾ طلب ڪيو ويو آهي. ڪميٽي جي پهرين اجلاس ۾ ڪميٽي جي چيئرمين يا چيئرپرسن جي چونڊ ڪئي ويندي. اجلاس 2 وڳي ٿيندو. ان ڪميٽي جي جوڙجڪ جو اعلان جمعي ڏينهن قومي اسيمبلي جي اجلاس ۾ ڪيو ويو هو جنهن ۾ طلال چوڌري، مريم اورنگزيب، زاهد حامد، ڊاڪٽر عذرا فضل پيچوهو، علي محمد خان، شائسته پرويز ملڪ، رومينه خورشيد عالم، صاحبزاده طارق الله ۽ ڪشور زهره شامل آهن. اها ڪميٽي ملڪ ۾ ٻارن سان زيادتي جي واقعن جي مانيٽرنگ، ان بابت قانونسازي، موثر قدمن ۽ عدالتن ۾ اهڙن ڪيسن جي پيروي ڪندي.
ٻارن سان زيادتي جي روڪٿام جي لاءِ جوڙيل خصوصي پارلياماني ڪميٽي جو اجلاس سومر تي ٿيندو
6 سال پھريان