عراق اسلامي دنيا جو اهم ملڪ آهي جنهن سان لاڳاپن کي پاڪستان تمام گهڻي اهميت ڏي ٿو: صدر ممنون حسين

اسلام آباد (پاکستان نیوزپوائنٹ12جنوری2018ء) صدر ممنون حسين چيو آهي ته عراق اسلامي دنيا جو اهم ملڪ آهي جنهن سان لاڳاپن کي پاڪستان تمام گهڻي اهميت ڏي ٿو. هن اها ڳالهه جمعي ڏينهن هتي عراق جي لاءِ پاڪستان جي نامزد سفير ساجد بلال سان ڳالهائيندي چئي. ان موقعي تي ٻيا اعليٰ عملدار به موجود هئا. صدر چيو ته عراق اسلامي دنيا جو اهم ملڪ آهي جنهن سان اسان جا انتهائي ويجها لاڳاپا آهن جنهن کي عقيدو ۽ تاريخ وڌيڪ مضبوط بڻائيندي آهي. ان لاءِ تعليم، ثقافت، واپار سميت زندگي جي ٻين شعبن ۾ به تعاون ۾ اضافو ضروري آهي. هن اها هدايت ڪئي ته گڏيل تعاون ۾ اضافي جي لاءِ ڪوششون تيز ڪيون وڃن، هن چيو ته پاڪستان ۽ عراق جي وچ ۾ واپار جا وسيع موقعا موجود آهن جنهن ۾ اضافي لاءِ تسلسل سان ڪم ڪرڻ جي ضرورت آهي، ان سلسلي ۾ واپارين ۽ صنعتڪارن جي وفدن جي مٽاسٽا کي ترجيح ڏني وڃي.