اسلام آباد (پاکستان نیوزپوائنٹ 06دسمبر2017ء) سينيٽ ۾ قائدايوان سينيٽر راجا ظفرالحق چيو آهي ته آمريڪي صدر ڊونلڊ ٽرمپ طرفان يروشلم کي قابض اسرائيلي انتظاميه جو گادي وارو هنڌ تسليم ڪرڻ جي متوقع اعلان سمورن اسلامي ملڪن جي عوام کي انتهائي بي چين ۽ مايوس ڪيو آهي، اربع ڏينهن هتي سينيٽ سيڪريٽريٽ مان جاري هڪ بيان ۾ قائدايوان چيو آهي ته ان اعلان سان انصاف ۽ امن جي اميدن جو خون ٿيندو ۽ ڇڪتاڻ وڌندي جيڪا وچ ايشيا کان ٻاهر دنيا کي به متاثر ڪندي. هن چيو ته ان ڏس ۾ عرب ليگ وانگر اسلامي ڪانفرنس جو هنگامي سربراهي اجلاس گهرايو وڃي.
يروشلم کي اسرائيل جي گادي وارو هنڌ تسليم ڪرڻ جي امڪاني اعلان مايوس ڪيو آهي: راجا ظفرالحق
6 سال پھريان
