مولانا ابو تراب، سندس پٽ ۽ گارڊ سميت چئن ماڻهن جي اغوا جي جاچ ڀرپور انداز ۾ جاري آهي: طلال چوڌري

اسلام آباد (پاکستان نیوزپوائنٹ22نومبر2017ء) گهرو معاملن واري مملڪتي وزير طلال چوڌري چيو آهي ته مولانا ابو تراب، سندس پٽ ۽ گارڊ سميت چئن ماڻهن جي اغوا جي جاچ ڀرپور انداز ۾ جاري آهي. ڪالهه اربع ڏينهن سينيٽ جي اجلاس ۾ سينيٽر ڪريم خواجه پاران عوامي اهميت جي نقطي تي ڳالهائيندي گهرو معاملن واري مملڪتي وزير طلال چوڌري چيو ته 24 سيپٽمبر 2017ع تي نعمت الله پاران شڪايت داخل ڪئي وئي ته مولانا ابو تراب، سندس پٽ ۽ گارڊ سميت چئن ماڻهن کي اغوا ڪيو ويو آهي، ان ڏس ۾ جاچ جاري آهي. هن ٻڌايو ته مقامي اخبارن ۾ تصويرون به جاري ڪيون ويون آهن جڏهن ته هڪ خاص ڪميٽي ان معاملي جي جاچ ڪري رهي آهي. ان کانسواءِ اطلاع ڏيڻ تي 10 لک رپيا انعام پڻ مقرر ڪيو ويو آهي.