وفاقي ڪابينا وزيراعظم جي پائيدار هدفن جي پروگرام ۽ بين العلائقائي رابطن جي لاءِ موٽروهيڪل اينڊ ريلويز جي سارڪ معاهدي سميت ڪيترن ئي ايجنڊا ائٽمز جي منظوري ڏئي ڇڏي

اسلام آباد (پاکستان نیوز پوائنٹ 31اگست 2016ء) وفاقي ڪابينا وزيراعظم جي پائيدار هدفن جي پروگرام ۽ بين العلائقائي رابطن جي لاءِ موٽروهيڪل اينڊ ريلويز جي سارڪ معاهدي سميت ڪيترن ئي ايجنڊا ائٽمز جي منظوري ڏئي ڇڏي آهي جڏهن ته 5 رپين جي سڪي جي تبديلي ۽ 10 رپين جو سڪو متعارف ڪرائڻ جي منظوري کانسواءِ گردي، جگر، بون ميرو ٽرانسپلانٽ ۽ ڪينسر سميت موذي مرضن ۾ ورتل غريب ۽ مستحڪم شهرين جي علاج بابت پڻ فيصلو ڪيو ويو، نان فائيلرز جي لاءِ ودهولڊنگ ٽيڪس جي گهٽ شرح جي تاريخ ۾ 31 ڊسمبر 2016ع تائين توسيع پڻ ڪئي وئي آهي. ڪابينا جو اجلاس ڪالهه اربع ڏينهن وزيراعظم محمد نواز شريف جي صدارت ۾ وزيراعظم هائوس ۾ ٿيو. ڪابينا ٻٽي ٽيڪس کان پاسو ڪرڻ ۽ آمدني تي ٽيڪسن جي حوالي سان مالياتي چوري جي روڪٿام لاءِ پاڪستان ۽ چن جي وچ ۾ معاهدي تي صحيحن جي لاءِ ٽئين پروٽوڪول ۽ شروعاتي مسودي تي صحيحن جي پڻ منظوري ڏني. آمدني تي ٽيڪسن جي حوالي سان ٻٽي ٽيڪس کان پاسو ڪرڻ جي لاءِ پاڪستان ۽ سوئيٽزرلينڊ جي وچ ۾ ڪنوينشن تي نظرثاني ۽ شروعاتي مسودي تي صحيحن جي پڻ منظوري ڏني وئي. ڪابينا ٽيڪس قانون ترميمي آرڊيننس 2016ع ۽ پيٽروليم مصنوعات تي سيلز ٽيڪس جي تعين جي پڻ منظوري ڏني. ڪابينا ري اسٽرڪچرنگ بابت ڪابينا ڪميٽي جي 13 ڊسمبر 2013ع ۽ جولاءِ 2014ع تي ٿيندڙ اجلاسن ۾ ڪيل فيصلن ۽ نجڪاري بابت ڪابينا ڪميٽي جي 26 نومبر، 9 ڊسمبر ۽ 12 ڊسمبر 2014ع تي ٿيندڙ اجلاسن ۾ ان جي فيصلن جي پڻ منظوري ڏني، ڪابينا 10 آگسٽ، 11 آگسٽ، 17 سيپٽمبر ۽ 2 آڪٽوبر 2015ع تي نجڪاري بابت ڪابينا ڪميٽي جي اجلاسن ۾ ڪيل فيصلن جي پڻ توثيق ڪئي. ڪابينا جي اجلاس ۾ ڪيل ٻين فيصلن ۾ ٽيڪس ڊائريڪٽر جي اشاعت، سيلز ٽيڪس ايڪٽ 1990ع جي شق 2 جي ذيلي شق (22 اي) تحت نوٽيفڪيشن ۽ انڪم ٽيڪس آرڊيننس 2001ع بابت شق 236 پي ڪي تحت نان فائيلرز جي لاءِ گهٽ ڪيل ودهولڊنگ ٽيڪس شرح جي تاريخ ۾ 31 ڊسمبر 2016ع تائين واڌ شامل آهي. ڪابينا 14 سيپٽمبر 2016ع تي پيرس ۾ او اي سي ڊي سيڪريٽريٽ ۾ ناڻي واري وزير اسحاق ڊار پاران ٽيڪس معاملن ۾ گڏيل انتظامي معاونت بابت گهڻ رخي ڪنوينشن تي پڻ صحيحن جي منظوري ڏني وئي، وفاقي ڪابينا 29 آگسٽ 2016ع تي اقتصادي رابطا ڪميٽي جي فيصلن جي پڻ توثيق ڪئي.