حڪومت ڪاروبار جي فروغ لاءِ سازگار فضا پيدا ڪرڻ لاءِ پرعزم آهي: وزيراعظم شاهد خاقان عباسي

اسلام آباد – (پاکستان نیوزپوائنٹ13اکتوبر2017ء) وزيراعظم شاهد خاقان عباسي چيو آهي ته حڪومت ڪاروبار جي فروغ لاءِ سازگار فضا پيدا ڪرڻ ۽ عالمي مارڪيٽ ۾ چٽاڀيٽي جي حيثيت رکندڙ ملڪي مصنوعات جي تياري لاءِ هر ممڪن قدم کڻڻ جي لاءِ پرعزم آهي. هن اها ڳالهه آل پاڪستان ٽيڪسٽائيل ملز ايسوسيئيشن (آپٽما) جي وفد سان ڳالهائيندي چئي جنهن جمعي ڏينهن وزيراعظم آفيس ۾ ساڻس ملاقات ڪئي. ناڻي وارو وزير اسحاق ڊار، واپار وارو وزير پرويز ملڪ، وزيراعظم جا خصوصي صلاحڪار هارون اختر ۽ مفتاح اسماعيل ۽ لاڳاپيل وزارتن جا سينئر عملدار به موجود هئا. وفد وزيراعظم جي برآمدي پيڪيج تي نظرثاني ۽ اضافي تي وزيراعظم جو ٿورو ادا ڪيو جنهن جو مقصد سڄي دنيا ۾ روايتي ۽ غير روايتي منڊين جي تلاش جي لاءِ روانگي واپار ڪندڙن کي سهولتون فراهم ڪرڻ آهي وفد ملڪ ۾ خاص طور تي صنعتي صارفين جي لاءِ توانائي جي تحفظ کي يقيني بڻائڻ جي لاءِ حڪومت جي ڪوششن کي ساراهيو. وزيراعظم حڪومت جي ان عزم جو ورجاءُ ڪيو ته ڪاروبار جي فروغ جي لاءِ سازگار فضا پيدا ڪرڻ ۽ پنهنجي مصنوعات کي بين الاقوامي مارڪيٽ ۾ وڌيڪ چٽاڀيٽي وارو بڻائڻ جي لاءِ پاليسي قدمن سميت هر ممڪن قدم جاري رکيا ويندا، وفد روانگي واپار ۾ اضافي ۽ ان جي نتيجي ۾ ملڪ جي واپاري خساري ۾ گهٽتائي آڻڻ جي لاءِ مختلف تجويزن پيش ڪيون، تجويزن جو جواب ڏيندي وزيراعظم چيو ته حڪومت ڪنهن به اهڙي تجوي تي ڪم ڪرڻ لاءِ تيار آهي جنهن سان روانگي واپار ۾ واضح اضافو يقيني بڻائي سگهجي ۽ جنهن سان واپاري خساري ۾ گهٽتائي ۽ روزگار ۾ اضافي جا فائد حاصل ٿين، وزيراعظم واپار واري وزير کي هدايت ڪئي ته هو روانگي واپار ڪندڙن سان گڏجي ويهي ۽ کين قابل عمل ٺوس سفارشون پيش ڪري۔