اسلام آباد(پاکستان نیوز پوائنٹ 26اگست 2016ء) مزن وزیر محمد نواز شریف ءَ گشتگ انت کہ پاکستان جنوبی ایشیائی خطہ ءِ شریں دیمروی ءُُ ممکنہ دمگی ہم آہنگی ءَ شریں کرد ادا کنگ ءَ انت آئی ءَ اے گپ جمعہ ءَ ھندی ہوٹل ءَ جنوبی ایشیائی تنظیم برائے دمگی کمک ( سارک ) ملک آنی وزیر خزانہ ءِ ہشتمی دیوان ءِ افتتاحی نشست ءَ تران کنگ ءَ کرتگ۔ مزن وزیر ءَ گشتگ کہ پاکستان 9ءُُ 10نومبرءَ اسلام آباد ءَ نوزدہمی سارک سروک کانفرنس ءِ میزبانی ءِ انتظار ءُُ تنظیم ءَ دیما برھگ ءِ واہشت مند انت۔
آئی ءَ گشتگ کہ پاکستان سارک ءِ پلیٹ فارم ءِ ذریعہ ءَ دمگی دیمروی ءِ سرا یقین داریت پرچاکہ اے دمگ ءَ امن ءِ ھاترءَ دیما روگ ءِ راہ انت، پاکستان خطہ ءِ اُلس ءِ امیت آں پورا کنگ ءِ ھاتر ءَ اے پڑ ءَ وتی کرد ادا کنت، مزن وزیر محمد نواز شریف ءَ گشتگ کہ تنظیمءِ پس پردہ سوچ جنوبی ایشیاء ءِ اُلس ءِ فلاح ءُُ بہبود انت، خطہ ءَ بے پناہ انسانی ءُُ قدرتی وسیلگ انت، دگنیا ءِ آباتی ءِ پنچمی بہر اے خطہ ءَ آبات انت ءُُ دمگ ءِ دیمروی ءِ ھاتر ءَ ھستیں موہ ءَ سرجمی ءَ پائیدگ کنگ لوٹیت۔
آئی ءَ گشتگ کہ تنظیم ءِ چاگردی منشور دیما روگ ءِ شریں راہ انت ءُُ مئے ملک اے پڑءَ سارک ءِ درستیں گام گیج ءِ منوگر بیت۔ آئی ءَ جان سلامتی ءُُ وانگ ءُُ زانگءِ شعبہ ءَ تنظیم ءِ دراجیں کرد ءِ ضلورت ءِ سرا زور داتگ۔ نواز شریف ءَ اسلام آباد ءَ مندوبین ءِ خیر مقدم کنگ ءَ امیت درشان کرتگ کہ ٓ تنظیم ءَ زیات فعال ءُُ شر جوڑ کنگ ءِ ھاتر ءَ شریں سفارشت پیش کنت، آئی ءَ امیت درشان کرتگ کہ کسٹمز دوہرہ ٹیکس، اقتصادی ءُُ مالیاتی کمک ءِ باروا کانفرنسءَ پکر سارک ءَ زیات با مکسد جوڑ کنگ ءَ کم بیت۔
دلگوش بہ بیت کہ وزارتی کانفرنس ءِ ایجنڈا ءَ آھری شکل دئیگ ءِ ھاتر ءَ سارک ملک آنی خزانہ سیکرٹری آن دیوان پنچ شمبے ءَ بوتگ۔ وزیر خزانہ، سیکرٹری، ہمگرنچ سٹیٹ بینک آنی سروک، سینئر حکام ءُُ سفارتکار دیوان ءَ بہر زرت انت۔ وزیر خزانہ سینیٹر اسحاق ڈار ءَ مندوبین آن وش آت کنگ ءَ خطہ ءِ اُلس ءِ شر تری ءُُ سارک ءَ سر سوب دمگی تنظیم جوڑ کنگ ءِ ھاتر ءَ دراجیں شریداری ءِ کوشست ءَ دراجی دئیگ ءِ سرا زور داتگ۔
