بنجاہی وزیر خزانہ سینیٹر اسحاق ڈار ہشتمی سارک وزیر خزانہ دیوان ءِ چیئر مین گچین بوتگ

بنجاہی وزیر خزانہ سینیٹر اسحاق ڈار ہشتمی سارک وزیر خزانہ دیوان ءِ چیئر مین گچین بوتگ

اسلام آباد(پاکستان نیوز پوائنٹ 26اگست 2016ء) بنجاہی وزیر خزانہ سینیٹر اسحاق ڈار ہشتمی سارک وزیر خزانہ دیوان ءِ چیئر مین گچین بوتگ۔ آئی ءِ گچین بوھگ ءَ جمعہ ءَ سارک وزیر خزانہ دیوان ءِ بندات ءَ کرت انت، ایشی ءَ دیما دیوان ءِ افتتاحی سیشن بوتگ آئی ءِ مہمان ھاس مزن وزیر محمد نواز شریف ات۔ ہشتمی سارک وزیر خزانہ دیوان ءِ پاگواجہی سنبھالگ ءَ پد شریدار آں تران کنگ ءَ بنجاہی وزیر خزانہ سینیٹر اسحاق ڈار ءَ اے موہ ءَ گشتگ کہ سارک ءَ وتی بوھگ ءَ پد جنوبی ایشیا ءِ اُلس ءِ شر تری ءِ ھاتر ءَ اقتصادی ءُُ چاگردی شعبہ ءَ ھاسیں پیشرفت کرتگ انت۔

آئی ءَ گشتگ کہ سارک ملک آنی نیام ءَ اقتصادی ءُُ مالیاتی شعبہ ءَ بازیں وڑ ءُُ کار ءَ سرجمی ءَ کمک ءَ دیمروی داتگ انت کہ آ وھد پہ وھد ءُُ منظم وڑ ءَ جنوبی ایشیائی اقتصادی یونین ءِ پجارینگ ءِ باروا ءَ انت۔ آئی ءَ گشتگ کہ تنے وھدے سارک وزیر خزانہ ءِ ہفت دیوان سر سوبی ءَ بوتگ انت ءُُ اے ہشتمی دیوان انت۔ اسحاق دار ءَ گشتگ کہ جنوبی ایشیاء ءِ دمگی تپاک ءِ راہ ءَ ھستیں رکاوٹ ءَ دور کنگ ءِ سرا دیان دئیگ بیت۔ اسحاق ڈار ءَ گشتگ کہ ہشتمی سارک وزیر خزانہ دیوان ءِ سفارشت رواں سال 9ءَ تاں 10نومبر ءَ اسلام آباد ءَ بوؤکیں سارک سروکی دیوان ءَ پیش کنگ بیت، اے موہ ءَ وزیر خزانہ ءَ ہشتمی سارک وزیر خزانہ دیوان ءِ چیئر مین گچین کنگ ءِ سرا شریدار آنی شکر گپتگ۔