اسلام آباد(پاکستان نیوز پوائنٹ 26اگست 2016ء) مزن وزیر محمد نواز شریف ءَ گشتگ انت کہ پاکستان مقبوضہ کشمیر ءَ جہد آجوئی ءِ ھاتر ءَ وتی اخلاقی، سفارتی ءُُ سیاسی حمایت برجاہ داریت، آئی ءَ اے گپ آزاد جموں ءُُ کشمیر ءَ نوک گچین صدر مسعود خان ءِ گوں جمعہ ءَ گپ ءُُ تران کنگ ءَ کرتگ۔ مزن وزیر ءَ مسعود خان کہ آ گوست ممتاز سفارتکار انت ءُُ اقوام متحدہ ءَ باندات مندوب ءِ جہت ءَ ہم ھذمت کرتگ انت ، ءِ گوں گپ ءُُ تران کنگءَ اے بھروسہ ءِ درشانی کرتگ کہ آ کشمیر کاز ءِ وکالت کنت پرچاکہ نوں آ مقبوضہ کشمیر ءِ اُلس ء، آجوئی ءِ شریں وکالت ءِ ھاتر ءَ یک دراجیں پلیٹ فارم ءَ ھست انت، مز ن وزیر ءَ مسعود خان ءَ آئی گچین بوھگ ءِ سرا مبارکباتی پیش کنگ ءَ گشتگ کہ نوک گچین صدر وتی دراجیں تجربت ءَ آزاد کشمیر ءِ اُلس ءِ فلاح ءُُ بہبود ءِ ھاتر ءَ کار مرز کنت۔
مزن وزیر ءَ مسعود خان ءَ گشتگ کہ شما ھستیں آئینی ذمہ واری، شمے پیشہ وارانہ کرد ءِ وھد ے ھستیں کار کنگ ءَ زیات انت، ماں امیت دار انت کہ شما گچین حکومت ءَ شریں حکمرانی، ادارگ آں محکم ءُُ آزاد کشمیر ءِ اُلسءِ چاگرد ءُُ اقتصادی ھالت ءَ شر جوڑ کنگ ءِ ھوالہ ءَ راھشونی دئیت، مزن وزیر ءَ گشتگ کہ ماں سمجھ انت کہ صدر آزاد کشمیر ءِ عہدہ راجہ فاروق حیدر ءِ سروکی ءَ گچین حکومت ءَ جان سلامتی ءُُ وانگ ءُُ زانگ ءِ ھاسیں شعبہ ءَ گہتری ءَ کمک ثابت بیت، مزن وزیر ءَ گشتگ کہ بنجاہی حکومت آزاد کشمیر ءِ حکومت ءَ دمگ ءِ اُلس ءِ ھذمت ءِ کوشست آں زیات ءَ چہ زیات حمایت کنت۔
ماں اُلس ءِ ھذمت ءِ سرا پختہ یقین دار انت ءُُ آزاد کشمیر ہم وتی دیمروی ایجنڈا ءَ دراجی بہ دنت، اے موہ ءَ مسعود خان ءَ گشتگ کہ آ زاد کشمیرء ِ اُلس ءِ شرتری ءِ ھاتر ءَ وتی توانا ءُُ تجربت کار مرز کنت، آئی ءَ مزن وزیر ءَ گشتگ کہ آ پارٹی ءِ نیمگ ءَ ایشی سرا کرتگیں بھروسہ ءِ باز شکر گزار انت ءُُ آ مزن وزیر ءِ وژن ءُُ پالیسی آنی ردا فرض ادائیگی ءِ ھاترءَ آزاد کشمیر ءِ حکومت ءِ کمک ءَ ھچ راہ یل نہ دنت۔
