اسلام آباد (پاکستان نیوزپوائنٹ18ستمبر2017ء) قومي اسيمبلي ۾ لاهور جي تڪ اين اي 120 ۾ مسلم ليگ (ن) جي ڪاميابي تي مسلم ليگي ميمبرن هڪ ٻئي کي مبارڪون ڏيندا رهيا جڏهن ته ميان عبدالمنان ايوان ۾ ”شير شير“ جا نعرا لڳائيندو رهيو. سومر ڏينهن قومي اسيمبلي جي اجلاس ۾ اطلاعات ۽ نشريات واري مملڪتي وزير مريم اورنگزيب، گهرو مملڪتي وزير طلال چوڌري، مسلم ليگ (ن) لاهور جي صدر محمد پرويز ملڪ، شائسته پرويز ملڪ ۽ ٻين کي مسلم ليگي ميمبر مبارڪون ڏيندا رهيا، واضح رهي ته ميان نواز شريف جي خالي ٿيل سيٽ تي سندس گهرواري ڪلثوم نواز ڪامياب ٿي آهي.
قومي اسيمبلي ۾ اين اي 120 ۾ مسلم ليگ (ن) جي ڪاميابي تي مسلم ليگي ميمبرن جون هڪ ٻئي کي مبارڪون
7 سال پھريان
