قومي احتساب بيورو ڪنهن به ڪيس ۾ وڌيڪ ثبوتن جي لاءِ احتساب عدالت مان سرچ وارنٽ حاصل ڪري ٿي: وفاقي وزير زاهد حامد

اسلام آباد (پاکستان نیوزپوائنٹ13ستمبر2017ء) قانون واري وفاقي وزير زاهد حامد چيو آهي ته قومي احتساب بيورو ڪنهن به ڪيس ۾ وڌيڪ ثبوتن جي لاءِ احتساب عدالت مان سرچ وارنٽ حاصل ڪري ٿي ۽ جوڊيشل آفيسر ۽ جوڊيشل مئجسٽريٽ سان گڏ ڇاپو هڻي برآمد ٿيندڙ شيون ريڪوري ميمو تي داخل ڪري ٿي ۽ ڪرپشن جي سموري رقم قومي ناڻي ۾ جمع ڪرائي وڃي ٿي. ڪالهه اربع ڏينهن قومي اسيمبلي ۾ سوالن جي وقفي دوران سيد وسيم حسين جي سوال جي جواب ۾ قانون واري وفاقي وزير زاهد حامد چيو ته نيب سرچ وارنٽ جي لاءِ احتساب عدالت کان منظوري وٺي جوڊيشل مئجسٽريٽ ۽ ليڊيز پوليس ۽ نيب عورت آفيسر سان گڏ ڇاپو هڻي ريڪوري ميمو تي تفصيل داخل ڪري برآمد ٿيندڙ رقم قومي ناڻي ۾ جمع ٿئي ٿي. هن چيو ته گذريل ٻن سالن ۾ نيب ڪيتريون ئي ريڪوريون ڪري قومي ناڻي ۾ جمع ڪرايون آهن.