ججن جي مقرري لاءِ لاڳاپيل هاءِ ڪورٽ جي چيف جسٽس پاران نالا جوڊيشل ڪميشن ۾ اچن ٿا: وفاقي وزير زاهد حامد

اسلام آباد (پاکستان نیوزپوائنٹ13ستمبر2017ء) قانون واري وفاقي وزير زاهد حامد چيو آهي ته ججن جي مقرري لاءِ لاڳاپيل هاءِ ڪورٽ جي چيف جسٽس پاران نالا جوڊيشل ڪميشن ۾ اچن ٿا، عورت ججز يا فاٽا مان ججن جي مقرري جي لاءِ ڪا مخصوص ڪوٽا نه آهي. ڪالهه اربع ڏينهن قومي اسيمبلي ۾ سوالن جي وقفي دوران نعيمه ڪشور خان جي سوال تي قانون واري وفاقي وزير زاهد حامد چيو ته 175 اي تحت ججن جي مقرري لاڳاپيل هاءِ ڪورٽ جي چيف جسٽس کان اچي ٿي، ان کانپوءِ جوڊيشل ڪميشن ۾ معاملو اچي ٿو، ضمني سوال تي هن چيو ته عورت ججن جي لاءِ ڪوٽا مخصوص نه آهي پر خواهش آهي ته اعليٰ عدليه ۾ عورتن جي وڌيڪ نمائندگي هجڻ گهرجي.