برساتن ۽ ٻوڏ سبب متاثر عوام لاءِ امدادي سامان جي پهرين کيپ چين حڪومت حوالي

اسلام آباد (پاکستان نیوز پوائنٹ 22اگست 2016ء) وزيراعظم محمد نواز شريف جي هدايت تي ووهان ۾ برساتن ۽ ٻوڏ سبب متاثر عوام جي لاءِ امدادي شين ۽ سامان جي پهرين کيپ چين جي حڪومت جي حوالي ڪئي وئي آهي. ڪالهه سومر ڏينهن وزيراعظم آفيس پاران جاري بيان موجب امدادي سامان جي وڌيڪ کيپ ايندڙ ڏينهن ۾ سامونڊي جهازن ذريعي موڪلي ويندي. پاڪستان جي حڪومت ۽ عوام پاران متاثر چيني ڀائرن جي لاءِ امدادي سامان مشڪل جي گهڙيءَ ۾ چيني ڀائرن سان يڪجهتي جي اظهار ۽ وابستگي جي اظهار طور موڪليو پيو وڃي. چين پاڪستان جي حڪومت ۽ عوام پاران خيرسگالي جي ان مظاهري کي زبردست ساراهيو آهي ۽ چيو آهي ته پاڪستان جي حڪومت ۽ عوام جي خيرسگالي جي جذبي سان نه رڳو ٻنهي ملڪن جي وچ ۾ ڀائراڻن لاڳاپن پر مشڪل ۾ هڪ ٻئي سان گڏ بيٺل هجڻ جو اظهار ٿئي ٿو.