ڪراچي (پاکستان نیوزپوائنٹ12اگست2017ء) وزيراعظم شاهد خاقان عباسي چيو آهي ته وفاقي حڪومت کي ڪراچي ۾ اسٽريٽ ڪرائم ۾ اضافي تي ڳڻتي آهي، جيڪي گذريل چئن سالن جي ڪوششن سان ملندڙ ثمرن کي نقصان پهچائي سگهن ٿا. ڪالهه ڇنڇر ڏينهن گورنر هائوس ۾ امن امان جي صورتحال بابت اجلاس جي صدارت ڪندي وزيراعظم اسٽريٽ ڪرائيم تي ضابطو آڻڻ ۽ ڏوهاري ماڻهن جي گرفتاري جي لاءِ سمورن انٽيليجنس وسيلن کي استعمال ۾ آڻڻ جي ضرورت تي زور ڏنو. اجلاس ۾ وزيراعظم کي صوبي ۾ خاص طور تي ڪراچي ۾ مجموعي صورتحال بابت بريف ڪيو ويو. اجلاس ۾ ان عزم کي ورجايو ويو ته ڪراچي ۾ امن امان ۽ استحڪام کي هر قيمت تي برقرار رکيو ويندو. اجلاس ۾ سنڌ جو گورنر محمد زبير، سنڌ جو وڏو وزير سيد مراد علي شاهه، وفاقي گهرو وزير احسن اقبال، ڪور ڪمانڊر ڪراچي، چيف سيڪريٽري سنڌ، ڊي جي رينجرز سنڌ، آءِ جي سنڌ ۽ ٻيا سينيئر سرڪاري عملدار پڻ موجود هئا.
وفاقي حڪومت کي ڪراچي ۾ اسٽريٽ ڪرائم ۾ اضافي تي ڳڻتي آهي: وزيراعظم شاهد خاقان عباسي
7 سال پھريان
