پارليامينٽ حڪومت لاءِ رهنمائي فراهم ڪندي آهي: سيد خورشيد احمد شاهه

اسلام آباد (پاکستان نیوزپوائنٹ 10اگست 2016ء) قومي اسيمبلي ۾ مخالف ڌر اڳواڻ سيد خورشيد احمد شاهه چيو آهي ته پارليامينٽ حڪومت لاءِ رهنمائي فراهم ڪنديآهي، دهشتگردي خلاف اسان هر وقت حڪومت سان تعاون ڪيو آهي، اهڙي پارلياماني ڪميشن جوڙي وڃي جنهن ۾ سڀئي ادارا دهشتگردي جي حوالي سان جوابده هجن. اربع ڏينهن قومي اسيمبلي جي اجلاس ۾ مخالف ڌر اڳواڻ سيد خورشيد احمد شاهه چيو ته 10 آگسٽ ملڪ جي تاريخ ۾ بي حد اهميت رکندڙ آهي، 10 آگسٽ 1947ع تي پاڪستان جي پهرين قانونساز اسيمبلي جو اجلاس ٿيو، ننڍي کنڊ جي مسلمانن جي لازوال قربانين سان پاڪستان وجود ۾ آيو، 11 آگسٽ 1947ع تي قائداعظم اسيمبلي جو صدر چونڊيو، هن پنهنجي پهرين خطاب ۾ جن خيالن جو اظهار ڪيو هو ان مان ڪيتريون ئي ڳالهيون اڄ جي حالتن سان هڪجهڙائي رکن ٿيون، هن چيو ته رياست جي ذميداري عوام جي جان ۽ مال جو تحفظ آهي، پارليامينٽ حڪومت جي لاءِ رهنمائي فراهم ڪندي آهي، هن چيو ته ڪيستائين اسان پنهنجي ٻارن جي شهادتن تي ڳوڙها ڳاڙيندا رهنداسين ۽ انهن جي لاءِ دعائون ڪندا رهنداسين، دهشتگردي جي خلاف اسان هر وقت حڪومت سان تعاون ڪيو، اسان نيشنل ايڪشن پلان، نيڪٽا جهڙا ادارا ٺاهڻ تي اتفاق ڪيو، چئني صوبن ۾ دهشتگردي جا واقعا ٿيا، هاڻي بلوچستان ۾ جيڪو واقعو ٿيو آهي اهو پنهنجي نوعيت جو ڌار واقعو آهي، جنهن ۾ بلوچستان هاءِ ڪورٽ جي سينئر وڪيلن جو وڏو تعداد شهيد ڪيو ويو آهي. هن چيو ته اهڙو پارلياماني ڪميشن جوڙيو وڃي جنهن ۾ سڀئي ادارا دهشتگردي جي حوالي سان جوابده هجن. هن چيو ته پارليامينٽ 20 ڪروڙ عوام جي نمائنده آهي، ان کي طاقتور بڻائينداسين ته ملڪ طاقتور ٿيندو، ان حوالي سان مخالف ڌر حڪومت سان تعاون ڪندي.