ڪراچي کي پاڻي جي فراهمي جي منصوبي جي پڄاڻي ٻن سالن ۾ ٿيندي: احسن اقبال

اسلام آباد (پاکستان نیوزپوائنٹ 10اگست 2016ء) منصوبابندي، ترقي ۽ سڌارن واري وفاقي وزير احسن اقبال چيو آهي ته ڪراچي کي پاڻي جي فراهمي جي منصوبي جي پڄاڻي ٻن سالن ۾ ٿيندي، ان جي 50 سيڪڙو بجيٽ وفاق ۽ جڏهن ته 50 سيڪڙو صوبو برداشت ڪندو، ان جو ٺيڪو صوبائي حڪومت ايف ڊبليو او کي ڏئي ڇڏيو آهي، وفاق پاران 2 ارب 70 ڪروڙ روپيا ايڊوانس جي طور تي فراهم ڪيا ويا آهن، موجوده وڏو وزير جڏهن سينئر وزير هو تڏهن هو انمنصوبي تي اجلاسن ۾ شريڪ هوندو هو، ان لاءِ اميد آهي ته هو ان جي پڄاڻي ۾ دير ٿيڻ نه ڏيندو، اربع ڏينهن قومي اسيمبلي جي اجلاس ۾ سوالن جي وقفي دوران شيخ صلاح الدين جي سوال جي جواب ۾ منصوبابندي ۽ ترقي واري وفاقي وزير ٻڌايو ته گذريل سال بجيٽ ۾ اسان ڪراچي جي لاءِ پاڻي جي منصوبي لاءِ 2 ارب 70 ڪروڙ روپيا فراهم ڪيا آهن، وفاق ان منصوبي جا 50 سيڪڙو خرچ برداشت ڪندو،هن خاطري ڪرائي ته جيئن ئي منصوبي تي ڪم مڪمل ٿيندو پنهنجي حصي جي سڄي رقم جاري ڪري ڇڏيندا، هن چيو ته ايف ڊبليو او ان منصوبي کي ٻن سالن ۾ مڪمل ڪرڻ لاءِ پرعزم آهي، ان منصوبي جي نگراني لاءِ اسٽينڊنگ ڪميٽي قائم ڪئي آهي، هن چيو ته ان منصوبي لاءِ جيڪڏهن بجيٽ ۾ مختص رقم کان وڌيڪ به گهربل ٿي ته فراهم ڪنداسين. هن چيو ته ان منصوبي تي ڪم وقت سر ٿيندو، ايف ڊبليو او ۽ وڏي وزير مراد علي شاهه سبب اميد آهي ته اهو منصوبو وقت سر مڪمل ٿيندو.