سينيٽ چيئرمين پاران عبدالرحيم مندوخيل جي لاڏاڻي تي ڏک جو اظهار

اسلام آباد (پاکستان نیوزپوائنٹ 20مئ2017ء) سينيٽ چيئرمين ميان رضا رباني موجوده ايم اين اي ۽ اڳوڻي سينيٽر عبدالرحيم مندوخيل جي لاڏاڻي تي گهري ڏک جو اظهار ڪيو آهي. هن پونئيرن سان تعزيت ڪندي الله تعاليٰ کان مرحوم جي مغفرت ۽ درجن جي بلندي جي دعا ڪئي آهي. هن چيو ته جمهوريت جي لاءِ سندس خدمتن کي سدائين ياد رکيو ويندو. سينيٽ جي دپٽي چيئرمين مولانا عبدالغفور حيدري، سينيٽ ۾ قائد ايوان راجا محمد ظفرالحق، مخالف ڌر اڳواڻ چوڌري اعتزاز احسن پڻ مرحوم جي لاڏاڻي تي افسوس جو اظهار ڪندي سندس پونئيرن سان دلي تعزيت ڪئي آهي۔