مخالف ڌر پاران قومي اسيمبلي ۾ ڌيان ڇڪايو نوٽيس جمع

اسلام آباد (پاکستان نیوزپوائنٹ 19مئ2017ء) مخالف ڌر جي ميمبرن پاران قومي اسيمبلي ۾ مختلف وزارتن ۽ ڊويزنن جي ملازمن جن کي ڊيوٽي ڏيڻ جي باوجود سيشن الائونس ناهي مليو، ان بابت ڌيان ڇڪايو نوٽيس جمع ڪرايو ويو آهي. ڌيان ڇڪايو نوٽيس ۾ چيو ويو آهي ته ڪجهه وزارتن ۽ ڊويزنن جي قومي اسيمبلي ۽ سينيٽ آف پاڪستان ۾ اجلاسن دوران ڊيوٽي ڏيندڙ ملازمن سان امتيازي سلوڪ ڪيو پيو وڃي، انهن کي ٻين ملازمن وانگر سيشن الائونس نه پيو ڏنو وڃي جيڪو انصاف جي گهرجن جي خلاف آهي، ان لاءِ معاملي کي بحث هيٺ آندو وڃي ۽ انهن ملازمن کي به سيشن الائونس ڏنو وڃي.