اسلام آباد(پاکستان نیوز پوائنٹ 08 اگست 2016ء) اطلاعات ۽ نشريات واري پارلياماني سيڪريٽري محسن شاهنواز رانجها چيو آهي ته پاڪستان ۾ دهشتگردي جا واقعا افسوسناڪ آهن، خيبرپختونخواهه جي حڪومت قومي ايڪشن پلان تي عملدرآمد ۽ دهشتگردي روڪڻ جي لاءِ قدم کڻڻ بدران وفاقي حڪومت جيخلاف سازشن ۾ مصروف آهي، سنڌ حڪومت به ان طرف ڌيان نه ڏئي رهي آهي، اسان سڀني کي گڏجي دهشتگردي جي خاتمي لاءِ قدم کڻڻا پوندا. ڪالهه سومر ڏينهن قومي اسيمبلي ۾ ڪوئيٽا ۾ دهشتگردي جي واقعي تي بحث ۾ حصو وٺندي اطلاعات ۽ نشريات واري پارلياماني سيڪريٽري محسن شاهنواز رانجها چيو ته اسان سدائين ورلڊ آرڊر جي ڳالهه ڪندا آهيون، اسان کي پاڪستان آرڊر جي ڳالهه ڪرڻ گهرجي، پاڪستان جڏهن به ترقي جي رستي تي گامزن ٿئي ٿو اسان جي دشمنن کي اها ڳالهه نه ٿي وڻي، ڪوئيٽا واقعي هڪ ڀيرو ٻيهر اي پي ايس سانحي جي ياد ڏياري ڇڏي آهي. هن چيو ته بجاءِ ان جي جو اسان کي پاڪستان ٺاهڻ جي ڳالهه ڪرڻ گهرجي پر ڪي پي ڪي صوبي ۾ گذريل ٽن سالن دوران وفاق جي خلاف سازشن کانسواءِ ڪجهه نه ٿيو. سنڌ کي رينجرز جي اختيارن لاءِ خط لکڻو پوي ٿو، هن چيو ته سمورا صوبا گڏ هجن ته پاڪستان ٺهي ٿو، نيشنل ايڪشن پلان کي گڏجي اسان کي ڪامياب بڻائڻو آهي.
پاڪستان ۾ دهشتگردي جا واقعا افسوسناڪ آهن: اطلاعات وارو پارلياماني سيڪريٽري محسن شاهنواز رانجها
8 سال پھريان
