اسلام آباد (پاکستان نیوز پوائنٹ 08 اگست 2016ء) پيپلزپارٽي جي پارلياماني اڳواڻ سيد نويد قمر چيو آهي ته دهشتگردي جي خلاف سموري مخالف ڌر حڪومت سان گڏ آهي، ان لعنت جي خاتمي لاءِ سمورا وسيلا استعمال ۾ آندا وڃن، ڪوئيٽا سانحو افسوسناڪ آهي. ڪالهه سومر ڏينهن قومي اسيمبلي جي اجلاس ۾ سيد نويد قمر بحث شروع ڪندي ڪوئيٽا سانحي تي سخت افسوس جو اظهار ڪيو ۽ چيو ته هر انسان جي جان انتهائي قيمتي آهي، آرمي پبلڪ اسڪول سانحي کانپوءِ اسان جيڪي فيصلا ڪيا هئا انهن کي اسان کي نظر ۾ رکي اڳيان وڌڻو پوندو، ان وقت اي پي سي ۾ جيڪا حڪمت عملي جوڙي هئي حڪومت کي ٻڌائڻ گهرجي ته انهن فيصلن تي ڪنهن حد تائين عملدرآمد ڪيو ويو آهي. هن چيو ته سڄي مخالف ڌر دهشتگردي جي خلاف حڪومت سان گڏ آهي، ان لعنت جي خاتمي لاءِ سمورا وسيلا استعمال ۾ آندا وڃن ته جيئن ڪير دهشتگردي جي جرئت نه ڪري سگهي.
دهشتگردي جي خلاف سموري مخالف ڌر حڪومت سان گڏ آهي: سيد نويد قمر
8 سال پھريان
