اسان کي رياست پاڪستان قائم ڪرڻ جي بنيادي مقصدن کي نظر ۾ رکي اڳيان وڌڻو پوندو: مولانا عبدالغفور حيدري

اسلام آباد (پاکستان نیوز پوائنٹ 06 اگست 2016ء) سينيٽ ۾ ڊپٽي چيئرمين مولانا عبدالغفور حيدري چيو آهي ته اسان کي رياست پاڪستان قائم ڪرڻ جي بنيادي مقصدن کي نظر ۾ رکي اڳيان وڌڻو پوندو، پاڪستان جي تخليق جي بنيادي مرڪز اسان کي پنهنجو محور بڻائڻو آهي. ڪالهه ڇنڇر ڏينهن وفاق کي درپيش چئلينج ۽ سينيٽ جي ڪردار تي سيمينار کي خطاب ڪندي هن چيو ته ٻه قومي نظريي جو نعرو نه هجي ها ته لکين ماڻهو هجرت ڪري هتي نه اچن ها، قانونسازي ۽ معاشري جي بهتري جي لاءِ قدم کڻندي ان نظريي ۽ قرباني کي پنهنجو محور بڻائڻ گهرجي، پاڪستان ٺهڻ جي 26 سالن تائين تجربا ڪندڙ جمهوري حقن تي ڌاڙو هڻندا رهيا، 1973ع ۾ متفقه آئين ٺهيو جنهن کانپوءِ هڪ نئون دور شروع ٿئي ٿو، اسان کي رياست قائم ڪرڻ جي بنيادي مقصدن کي نظر ۾ رکي اڳيان وڌڻو پوندو. اي پي پي/ع – ک/ش – چ 17:53