سعودي عرب ۾ ڦاٿل پرڏيهي پاڪستانين جو معاملو سنجيده نوعيت جو آهي: وفاقي وزير لفيٽيننٽ جنرل (ر) عبدالقادر بلوچ

اسلام آباد (پاکستان پوائنٹ نیوز 03 -اگست 2016ء) وفاقي وزير ليفٽيننٽ جنرل (ر) عبدالقادر بلوچ چيو آهي ته سعودي عرب ۾ ڦاٿل پرڏيهي پاڪستانين جو معاملو سنجيده نوعيت جو آهي، 520 پاڪستانين پاران ڪمپنين کان پگهار نه ملڻ جي شڪايت ملي آهي، سمنڊ پار پاڪستانين واري وزارت معاهدي جي خلاف ورزي ڪندڙ ڪمپنين جي جاچ ڪندي، سعودي ڪمپني اوجر ملڪ واپس وڃڻ جي خواهش ظاهر ڪندڙن کي ٽڪيٽ ڏيڻ ۽ اقامه ٽرانسفر ڪرڻ وارن جي مدد جي آڇ ڪئي آهي، اربع ڏينهن قومي اسيمبلي جي اجلاس ۾ مير عامر علي خان مگسي جي سعودي عرب ۾ ڦاٿل پاڪستانين جي حوالي سان ڌيان ڇڪايو نوٽيس جو جواب ڏيندي وفاقي وزير ليفٽيننٽ جنرل (ر) عبدالقادر بلوچ چيو ته هي هڪ سنجيده مسئلو آهي، هن وقت تقريبن 2 ملين کان وڌيڪ پاڪستاني سعودي عرب ۾ ڪم ڪري رهيا آهن انهن مان 520 ماڻهن شڪايت ڪئي آهي ته لاڳاپيل ڪمپنيون پگهار نٿيون ڏين، هن چيو ته هتان کان ڪجهه ايجنٽ اهليت رکڻ وارن کي ٻاهرين ملڪ موڪلي ڇڏيندا آهن، هو ٻاهرين ملڪ جڏهن ڪمپنين جي گهربل معيار تي پورو نٿا لهن ته انهن کي ڪڍيو ويندو آهي، حڪومت ان معاملي کان پوري طرح آگاهه آهي، سمنڊ پار پاڪستانين جي وزارت پاڪستان ۾ معاهدي جي خلاف ورزي ڪندڙ ڪمپنين جي خلاف جاچ ڪندي. ڌيان ڇڪايو نوٽيس تي مير عامر مگسي، مراد سعيد، ساجد نواز، ڪرنل (ر) امير الله مروت ۽ غلام سرور خان جي سوال تي وفاقي وزير چيو ته سعودي ڪمپني اوجر جي متاثر ماڻهن جو تعداد 8 هزار آهي، ان ڪمپني جي جنرل مينيجر سان رابطو ڪيو آهي، ڪمپني چيو آهي ته اهڙا ماڻهو جيڪي وطن واپس وڃڻ چاهين ٿا ڪمپني انهن کي ٽڪيٽ به ڏيندي ۽ جيڪي ماڻهو اقامه ٽرانسفر ڪرائڻ چاهين سندن ڪمپني پاران مدد ڪئي ويندي، هڪ ٻئي سوال جي جواب ۾ هن چيو ته ان معاملي تي پرڏيهي وزارت سان ڳالهه ٻولهه ڪئي ويندي ۽ ميمبرن کي پرڏيهي وزارت پاران بريفنگ جو به اهتمام ڪيو ويندو. هن چيو ته سعودي عرب سان اسان جا خصوصي لاڳاپا آهن، اسان نٿا چاهيون ته سعودي عرب ۾ ڪم ڪندڙ پاڪستانين جو روزگار متاثر ٿئي. حڪومت کي ان معاملي تي گهري ڳڻتي آهي ۽ هو ان ڏس ۾ هر ممڪن قدم کڻندي. ڊپٽي اسپيڪر هدايت ڪئي ته سڀني لاڳاپيل ميمبرن کي پرڏيهي وزارت پاران بريفنگ ڏني وڃي ۽ پارليامينٽ کي هڪ هفتي اندر ان حوالي سان مڪمل رپورٽ پيش ڪئي وڃي. جيڪڏهن پرڏيهي وزارت جي غفلت ثابت ٿي ته پارليامينٽ پاران سخت ايڪشن ورتو ويندو. ڌيان ڇڪايو نوٽيس تي هڪ ٻئي سوال جي جواب ۾ وفاقي وزير ليفٽيننٽ جنرل (ر) عبدالقادر چيو ته ڪجهه ريڪروٽنگ ايجنسيون ماڻهن کي سبز باغ ڏيکاري ٻاهري موڪليندي آهي ۽ جڏهن ته معاهدي تحت پگهارون ناهن ملنديون ته شڪايتون سامهون اينديون آهن، اهڙين ڪمپنين خلاف ڪاررائي ڪئيويندي، سڄي دنيا ۾ اسان کي اهي شڪايتون موصول ٿي رهيو آهي، ملڪ جي بدنامي جو باعث ريڪروٽنگ ايجنسين خلاف سخت ايڪشن ورتو ويندو، هن چيو ته ملڪ کان ٻاهر هڪ ڀاڱي چار پاڪستانين جو تعداد سعودي عرب ۾ آهي، اسان ڪڏهن نٿا چاهيون ته پاڪستانين سان غلامن جهڙو ورتاءُ ڪيو وڃي. سعودي حڪومت متاثر پاڪستانين جي مسئلن لاءِ هڪ ڪروڙ ريال مختص ڪيا آهن. هڪ ٻئي سوال جي جواب ۾ هن چيو ته 12 لک پاڪستاني پورهيتن جي واپسي جي اسان وٽ ڪي اطلاع نه آهن. جيلن ۾ بند پاڪستانين کي به قانوني مدد فراهم ڪئي پئي وڃي