اسلام آباد (پاکستان پوائنٹ نیوز 03 -اگست 2016ء) پيپلزپارٽي جي ميمبر نواب محمد يوسف ٽالپور چيو آهي ته صوبن ۽ وفاق جي وچ ۾ ڪنهن به معاملي تي اختلاف کي اخبارن جي زينت نه بنائڻ گهرجي، اربع ڏينهن قومي اسيمبلي ۾ اعتراض واري نقطي تي نواب محمد يوسف ٽالپور چيو ته پاڪستان وفاقي ڌرين جو مجموعو آهي، ارڙهين ترميم کانپوءِ صوبن کي وفاق پاران جيڪي اختيار مليا آهن ان تحت ئي عملدرآمد ٿي رهيو آهي، جيڪڏهن صوبن ۽ وفاق وچ ۾ ڪي اختلافي مسئلا پيدا ٿي وڃن ته انهن کي اخبارن جي وڏين سرخين جي زينت نه بڻجڻ گهرجي. اسان ان مسئلي کي گهرو اسٽينڊنگ ڪميٽي ۾ کڻڻ چاهيون ٿا پر اجلاس ۾ گهرو وزارت جو ڪو آفيسر يا اهلڪار نه آيو، اسان جي ان حوالي سان استحقاق واري رٿ آندي وڃي، ڊاڪٽر عارف علوي چيو ته گهرو وزارت جو هڪ به ماڻهو ڪميٽي جي اجلاس ۾ ناهي آيو.
صوبن ۽ وفاق جي وچ ۾ ڪنهن به معاملي تي اختلاف کي اخبارن جي زينت نه بنائڻ گهرجي: نواب يوسف ٽالپور
8 سال پھريان
