پاڪستان پاران ڀرپور سفارتي ڪوششن سان ڀارت نيوڪليئر سپلائرز گروپ ۾شامل نه ٿي سگهيو: پرڏيهي وزارت

اسلام آباد (پاکستان پوائنٹ نیوز 03 -اگست 2016ء) پرڏيهي وزارت پاران قومي اسيمبلي کي ٻڌايو ويو آهي ته پاڪستان پاران ڀرپور سفارتي ڪوششن سان ڀارت نيوڪليئر سپلائرز گروپ ۾ شامل نه ٿي سگهيو، پاڪستان ان سلسلي ۾ سرينڊر نه ڪندو. اربع ڏينهن قومي اسيمبلي جي اجلاس ۾ سوالن جي وقفي دوران ساجده بيگم جي سوال جي جواب ۾ پرڏيهي وزارت پاران وفاقي وزير عبدالقادر بلوچ ايوان کي ٻڌايو ته نيوڪليئر سپلائر گروپ ۾ شموليت جي لاءِ وزيراعظم، پرڏيهي صلاحڪار، پرڏيهي معاملن وارو خصوصي صلاحڪار ۽ مختلف ملڪن ۾ پاڪستان جي سفيرن ان حوالي سان لابنگ ڪئي آهي ان سبب پاڪستان ڀارت جي شموليت جي درخواستن تي اڳڀرائي في الحال روڪي وئي آهي، اهو صحيح آهي ته آمريڪا جو جهڪاءُ ڀارت طرف آهي ۽ ان جو موقف آهي ته اهو پاڪستان جي قيمت تي نه آهي، ان جا پنهنجا علائقائي مفاد آهن، اهي ڳالهيون عام آهن ته پاڪستان اين ايس جي جو ميمبر نه بڻجي سگهندو.جڏهن ته ڀارت ان جو ميمبر بڻجي ويندو، تنهن هوندي به انهن قياس آرائين ۾ ڪا به حقيقت نه آهي. هن چيو ته ڀارت ان جي ميمبر لسٽ ۾ شامل ٿيڻ ۾ ڪامياب ناهي ٿي سگهيو، هن چيو ته ان باري ۾ ميمبرن جي تجويزن جي آجيان ڪنداسين. هن چيو ته پاڪستان هڪ آزاد ملڪ آهي اسان سرينڊر ڪرڻ وارا نه آهيون، پاڪستان جي پرڏيهي وزارت ۽ حڪومت چوڪس آهي، اهو آسان نه آهي ته ڀارت کي ايندڙ اجلاس ۾ اين ايس جي جي ميمبرشپ ملي وڃي.